243.පපඩම් සාදාගන්නා ආකාරය

පපඩම් (Papadam).  

(සාමාන්‍ය ප්‍රමානයේ පපඩම් 50 ක් සඳහා )

350g පමණ )

අවශ්‍ය ද්‍රව්‍ය :

උඳු පිටි 200g

පාන් පිටි 100g

ලුණු 20g

පොල් තෙල් 10g

ආප්ප සෝඩා 10g

උතුරන වතුර 150ml

බැදගත් හාල් පිටි 25g

සාදන ක්‍රමය :

උතුරන වතුර එකට ආප්පසෝඩා දමා දිය කරන්න .

රොඩු ඇත්නම් පෙරන්න 

පාන්පිටි සහ උඳු පිටි එකට මිශ්‍ර කර තුන් වරක් හලන්න .

මෙම පිටි වලට ලුණු සහ ආප්පසෝඩා මිශ්‍රනය ටික ටික එක්කර මින් මෝලිය සාදාගන්න .

තරමක් තදට හදා ගත් මෝලියට තෙල් එක්කරමින් හොඳින් අනන්න.

ඉන්පසු වංගෙඩියක දමා පැය 1/2 පමණ හොඳින් කොටන්න. ( විකල්පයක් ලෙස පාන් මෝලිය අල්ලන ආකාරයට , ඇදෙන සුලු තත්වයට එනතුරු අත් ගසන්න )

පදම් කල මෝලියෙන් සමාන කොටස් කඩා , අත්ලෙන් තෙරපා පැතලි කර , බැදගත් හාල් පිටි තවරමින් එක උඩ එක තබා තුනී කරන්න.

හෝ කැමති ආකාරයකට තුනී කර කටරයකින් හැඩ තල කපා ගන්න. තුනී වූ තරමට ලාබදායි වේ

(ලෑල්ලට හා රෝලිං පින් එකට තෙල් ටිකක් ආලේප කර ඇලීම වලක්වා ගන්න)

ඉන්පසු ලෑල්ලක අතුරා මද පවනේ දෙපැත්ත පෙරලමින් පැයක් පමණ වේලාගන්න.

80* c උෂ්නත්වය ට අවන් එකේ වේලෙන්න පුලුවනි.

පසුව තැවරී ඇති වැඩිපුර පිටි ඉවත් කර ඇසුරුම් කරන්න .

අවුරුද්දක් පමණ තබා ගත හැක.

*** මසාල පපඩම් සදහා :

 රත් කරගත්, සූදුරු , සිහින්ව ලියා ගත් කරපිංචා , කෑලි මිරිස් , පදම් කල මෝලියට එක් කරගත හැක.

Recipe by Seetha ponnamperuma 

උ.ගැ.

මුල් හිමිකරුට ස්තූතියි 🙏🙏

මෙ  පුවත තවත් කෙනෙක්ට බලන්න Share කරන්න

239. මස්කට් සාදාගන්නා ආකාරය

මස්කට් සාදාගන්නා ආකාරය 

අවශ්‍ය ද්‍රව්‍ය

*໑໑ 88 (corn flour)

*ඉරිගු පිටි දිය කිරීමට වතුර 130ml

*සීනී 300g

*සීනී දිය කිරිමට වතුර 250ml

*දෙහි මේස හැන්දක්

*අවශ්‍ය නම් කැමති පාටක්, රසකාරක

*බටර් මේස හැදි 2

මුලින් ම ඉරිගු පිටි වතුර 130ml දිය කරගන්න.දැන් පෑන් එකට සීනී හා සීනී දිය කිරීමට තැබූ වතුර 300ml,දෙහි යුෂ මේස හැන්ද එකතු කර සීනී ටික දිය වෙනතුරු කවලම් කරගන්න (කැරමල් කිරීමට අවශ්‍ය නෑ)

හොදින් දියවූ සීනී මිශ්‍රණයට දිය කරගත්ත ඉරිගු පිටි මිශ්‍රණය එක් කරගන්න. (මෙය ඉක්මනින් ඝන වෙනවා )

තරමක් ඝන වූ විට , ලුණු,කැමති පාටක්, රසකාරක එක් කරගන්න.

තබාගත් බටර් ටික ටික මිශ්‍රණයට එක් කරගන්න.වි.25-30ක් වගේ යද්දී මිශ්‍රණය එක ගුලියට එනවා. දැන් බටර් ගාගත්ත තැටියක මිශ්‍රණය තුනී කර නිවෙන්නට තබා කෑලී කපා ගන්න

දැන් පුළුවන් හදාගත්ත මස්කට් ටික අමුත්තනට පිළිගන්වන්න .... 

උපුටාගැනීමකි

මෙ  පුවත තවත් කෙනෙක්ට බලන්න Share කරන්න

238. මෙක්සිකන් ක්‍රමයට සැකසූ අලිගැටපේර සලාදය

මෙක්සිකන් ක්‍රමයට සැකසූ අලිගැටපේර සලාදය

අපි පුරුදුවෙලා ඉන්නෙ අලිගැට පේර රසවත් පානයක් ලෙසත් සකස් කරගන්නටයි. මෙක්සිකානු කෑම වලට නම් අලිගැටපේර වරදින්නේ නැහැ, පහතින් දැක්වෙන ආකාරයට මෙම රසවත් ගුණවත් සලාදය ඔබට පහසුවෙන් සාදා ගත හැකියි.

අවශ්‍ය ද්‍රව්‍ය:

අලිගැටපේර ගෙඩියක්

කුඩා බී ළූණු ගෙඩියක්

කහපාට, රතුපාට සහ කොළපාට බෙල්පෙපර් ස්වල්පයක්

මින්චි කොළ කිහිපයක්

ග්‍රේට් කරගත් චීස් මේස හැඳි 2

 මුදවපු කිරි මේස හැඳි 2ක්

දෙහි යුෂ ස්වල්පයක්

තිබෙනවා නම් ඔලිව් ස්වල්පයක්

රස අනුව ලුණු සහ ගම්මිරිස්

සාදන ආකාරය:

අලිගැට පේර ගෙඩියේ ‍පොත්ත ඉවත් කර කුඩා කොටුවලට කපාගන්න. බී ළූණු, ඔලිව් සහ මින්චි කොළද සිහින්ව ලියා ගන්න. බෙල් පෙපර් කුඩා කොටුවලට කපාගන්න. භාජනයක් ගෙන එයට මුදවපු කිරි, දෙහි යුෂ, ගම්මිරිස්, ලුණු එක් කර හොඳින් මිශ්‍ර කරගන්න. එයට අලිගැටපේර, ඔලිව්, බී ළූණු සහ බෙල්පෙපර් ද එක්කර පොඩිනොවන සේ කලවම් කර ගෙන උඩින් ග්‍රේට් කරගත් චීස් දමා කෑමට ගන්න.

මෙම සලාදය බෙරි නොවුණු අලිගැටපේර ගෙඩියක් තෝරාගන්න මතක තබාගන්න. යෝගට්, මී කිරි වූවත් මෙයට එක් කරගත හැකියි. මෙම සලාදය ආහාරයට ගැනීමට පැය භාගයකට පමණ පෙර පිළියෙල කරගැනීම වඩාත් සුදුසුයි. උත්සවයක බත රස කරන්න ඉතාමත් සුදුසු මෙම රසවත් සලාදය හදල බලන්න අමතක කරන්න එපා.

මුල් හිමිකරුට ස්තුතියි ❤❤❤👍👍👍🙏🙏

මෙ  පුවත තවත් කෙනෙක්ට බලන්න Share කරන්න

230. කොහිල සිනි සම්බෝල සාදාගන්නා ආකාරය

අවශ්‍ය ද්‍රව්‍ය :-

හීනියට ලියාගත් කොහිල කෝප්ප 2

කරපිංචා ස්වල්පයක්

කපාගත් අමුමිරිස් කරල් 2

සීනි තේහැඳි 2

කූනිස්සන් ස්වල්පයක්

උම්බලකඩ ස්වල්පයක්

ලියාගත් ළූණු ගෙඩි 2

කෑලිමිරිස් තේහැඳි 2

දෙහි යුෂ ස්වල්පයක්

බැදීමට තෙල්

අවශ්‍ය නම් කජු

කපාගත් කොහිල ටික ගැඹුරු තෙලේ බැදගන්න.

ළූණු ටිකත් රන්වන්පාට වෙනකල් බැදගන්න.

කරපිංචා හා අමුමිරිස් තෙලට පොඩ්ඩක් දාලා ගන්න.

වෙනම පෑන් එකක් ලිපේ තියලා තෙල් ටිකක් දාලා රත්වෙනකොට කූනිස්සො හා කෑලිමිරිස් ටික දාගන්න.

මේටික ටිකක් බැදුනම බැදගත් සියල්ලම දාලා කලවම් කරලා රස අනුව ලුණු හා සීනි දාගන්න.

උම්බලකඩ ටිකත් දාලා කලවම් කරලා ලිපෙන් බාලා දෙහි යුෂ එකතු කරන්න.

*****************************************************************************************************

මෙ  පුවත තවත් කෙනෙක්ට බලන්න Share කරන්න

229. .ලබු කිරිබත් සාදාගන්නා ආකාරය

අහලා තිබ්බට කාල නැති ලබු කිරිබත්🤤🍐| 

මේක හදාගන්න හරිම ලේසි! ඒවගේම ගොඩාක් රසයි!

රෙසපි එක💛

හාල් රයිස් කුකුර් කප් එකෙන් 2 1/2(හුන්ඩු ගන්නවා නම් 2ක් විතර)

සමාන්‍ය ප්‍රමාණයේ ලබු ගෙඩියක් 

වතුර කප් 4ක් (මේක ඔයාලා ගන්න හාල් වර්ගය අනුව වෙනස් වෙනවා... මම ගත්තේ බාස්මති හාල්)

උකු පොල් කිරි කෝප්ප 2ක්

ලුනු අවශ්‍ය ප්‍රමාණයට(මට ලුනු තේහැඳි 1 1/2 ක් වගේ ඕන උනා)

•

•

සාදන ක්‍රමය💛

-මුලින්ම ලබු ගෙඩිය හොදින් හෝදගෙන ඒක පොත්ත ඉවත් කරගෙන පොඩි කෑලි වලට කපාගන්න. 

-ඊට පස්සේ හාල් ටික අරගෙන ඒක හොඳින් පිරිසිදු කරගෙන බාජනයකට දාලා වතුර දලා හොඳින් තම්බගන්න. මිනිත්තු 15-20 ක් වගේ පියනින් වහලා ගින්දර අඩු වැඩි කරමින් මේක තම්බගන්න. 

-ඊට පස්සේ උකු පොල් කිරි එකට ලුනු ටික එකතු කරගෙන හොදින් කලවම් කරගෙන 

-ඊට පස්සේ අපි පොඩියට කපාගත්තු ලබු කෑලි ටික සහ උකු පොල් කිරි ටික එකතු කරගෙන පියනින් වහලා හොදින් ලබු කෑලි ටික තැම්බෙනකම් සහ උකු පොල් කිරි ටික හිදෙනකම් පියනින් වහලා උයාගන්න. මේ වේලාවදි ලුනු බලන්න මදිනම් එකතු කරගන්න💛

ඉතින් මේ රසම රස කිරිබත් එක හදලා නැත්නම් හදලා බලන්න ගොඩාක් රසයි🥹💚සහ හරිම ලේසි මේක ඔයාලට හදාගන්න💚 හැදුවොත් මටත් රස කියන්න😍

•

•

Here’s the recipe💛

Ingredients:

- 2 1/2 cups of Basmati rice

- 4 cups of water

- 2 cups of thick coconut milk

- 1 1/2 teaspoons of salt

- 1 medium-sized bottle gourd, peeled and cut into small cubes

•

•

Instructions:

1. Begin by cleaning the bottle gourd, peeling its skin, and cutting it into small, cubed chunks.

2. Rinse the Basmati rice thoroughly under cold water until it runs clear.

3. In a large pot, combine the rinsed rice and water. Cover the pot, bring it to a boil, then reduce the heat to medium and simmer until the rice is tender and has absorbed most of the water (approximately 15-20 minutes).

4. While the rice cooks, mix salt into the thick coconut milk.

5. Once the rice is cooked, add the bottle gourd chunks and the salted coconut milk to the pot.

6. Stir well and let it simmer on low heat until the coconut milk is absorbed, resulting in a creamy texture.

7. Taste and adjust salt if necessary.

8. Remove the pot from heat and let it sit for a few minutes.

9. Transfer the milk rice to a flat dish, spreading it evenly.

10. Allow it to cool before cutting it into square or diamond-shaped pieces.

Serve the milk rice with your preferred accompaniments, such as Sri Lankan Chili Paste (lunumiris) or a banana. Enjoy the delicious flavors of authentic Sri Lankan milk rice with bottle gourd🤤!

•

උපටාගැනිමක් 

Amila & Hashi

මෙ  පුවත තවත් කෙනෙක්ට බලන්න Share කරන්න

228. කැකිරි මස් වගේ රසට උයමු

කැකිරි මස් වගේ රසට උයමු 

අවශ්‍ය ද්‍රව්‍ය- 

කැකිරි ග්‍රෑම් 350

පොල් කිරි කෝප්ප 1/1

මිරිස් කුඩු මේස හැදි 1 

බැදපු තුනපහ කුඩු මේස හැදි 1 

ගම්මිරිස් කුඩු තේ හැදි 1 

අමුතුන පහ කුඩු මේස හැදි 1 

කහ කුඩු තේ හැදි 1 /4

කරාබුනැටි කරල් 2

එනසාල් ඇට 2

උළුහාල් ඇට තේ හැදි 1/4

කුරුදු කෑල්ලක් 

සුදුලූනු බික් 5 

ගොරකා කෑල්ලක් 

බීලූනු ගෙඩි 1 

අමුමිරිස් කරල් 3 

කරපිංචා 

රම්පේ 

තෙල් මේස හැදි 2 

රස අනුව ලුණු 

සාදන ක්‍රමය:-

මුලින්ම කැකිරි ගෙඩියේ ඇස්ස කපා කිරි ඉවත් කරන්න. එතකොට තිත්ත රසය නැති වෙනවා.

දැන් කැකිරි ගෙඩිය සෝදා හතරැස් කෑලි කපා ගන්න. මේ කපා ගත් කෑලි වලට මිරිස් කුඩු, බැදපු තුනපහ, ගම්මිරිස්කුඩු, කහකුඩු, සහ ලුණු එකතු කරන්න. 

භාජනයකට තෙල් ටිකක් දමා එයට රම්පේ,   

උළුහාල්, කරාබුනැටි, එනසාල් දමා බැද ගන්න. ඉන් පසු කපා ගත් බීලූනු, අමුමිරිස්,    

කරපිංචා, සුදුලූනු දමා බැද ගන්න. අන්තිමට මිරිස් කුඩු තේ හැදි 1 හා අමුතුන පහ කුඩු තේ හැදි 1 එකතු කරන්න. 

මේ තෙම්පරාදුවට කැකිරි ටික එකතු කරන්න. හොදින් කළවම් කරන්න. කිරි ටික එකතු කරන්න. ගොරකා හා ලුණු එකතු කරන්න.  

අඩු ගින්දරේ තැම්බෙන්න හරින්න.කෑලි හොදට තම්බා ගන්න. තෙල් පාට වනවිට බා ගන්න. 

මුල් අයිතිය Garlic and Ginger

Ami & Hashi

මෙ  පුවත තවත් කෙනෙක්ට බලන්න Share කරන්න

227. ගල් මස්කට් සාදාගන්නා ආකාරය

ගල් මස්කට් සාදාගන්නා ආකාරය

පාන් පිටි 100g

දුඹුරු සීනී 200g

උකු පොල් කිරි 400ml

රටඉදි 100g

ලුණු තේ හැදි 1/2

වැනිලා තේ හැදි 1

All purpose flour 100g

Coconut milk 400ml

Brown sugar 200g

Dates 100g

Salt tsp 1/2

Vnila tsp 1

මුලින්ම රටඉදි වල ඇට ඉවත්කර ඒවා කුඩාවට කපාගෙන භාජනයකට දමා ඒවා වැහෙන ගානට වතුර එකතු කර විනාඩි 10ක් පමණ පෙඟෙන්න තබන්න. 

ඉන්පසු පෑන් එකකට සීනි මේස හැදි 1ක් එකතුකර එම සීන් ටික කළු කරගත යුතුය. 

පසුව පොල් කිරි ටිකෙන් ටික එකතු කරගත යුතුය. ඉන්පසු දුඹුරු සීනී එයට එකතු කර හොඳින් දියකර කරගන්න.

සීනී දියවූ පසු පිළිවෙලින් ලුණු හා වැනිලා එකතු කරන්න.

ඉන්පසු වතුර ඉවත් කරගත් රටඉදි එකතුකර නොනවත්වා හැඳිගාමින් එය විනාඩි 2-3 කාලයක් තැම්බෙන්න හරින්න. 

ඉන්පසු පාන්පිටි එයට එකතු කරමින් කැට නැතිවනතුරු විනාඩි 5ක් පමණ හොඳින් කලවම් කරගන්න. මේ වෙලාවේ ලිපේ ගින්දර සාමාන්‍ය ගානෙන් තිබිය යුතුය. 

ගුලියක් ආකාරයට එය සැකසුණු පසු ළිපෙන් ඉවත් කර බේකින් ට්‍රේ එකට දාන්න.

දැන් එය අපට අවශ්‍ය ගානට හොඳින් තුනී කර 190°C උෂ්ණත්වයේ විනාඩි 30-35ක් අවන් එකේ තැබිය යුතුය. 

ඉන්පසු විනාඩි 10ක පමණ කාලයක් නිවෙන්නට තබා කෑලි කපා ආහාරයට ගත හැක. ❤️

-අපේ ගෙදර- 

ජායාරූපය අන්තර්ජාලයෙන්

Ami & Hashi

මෙ  පුවත තවත් කෙනෙක්ට බලන්න Share කරන්න

226 චොකලට් පුඩිමක් සාදාගන්නා ආකාරය

 චොකලට් පුඩිමක් සාදාගන්නා ආකාරය

කිරි කෝප්ප 3

ජෙලටින් තේ හැඳි 5

බිත්තර 3

චොක්ලට් පව්ඩර් මේස හැඳි 2

සීනි

වැනිලා තේ හැඳි 2

මුලින්ම බිත්තර කහමද වලට සීනි එකතු කර ටිකක් බීට් කරගන්න. ඒකට කිරි ටික දාලා ලිපේ තියන්න.

ඒක උතුරනකොට චොක්ලට් පව්ඩර් දාලා කලවම් කරන්න.

ඉන්පසු ලිපෙන් බාගන්න.

ජෙලටින් ටික ඩබල් බොයිල් කරගන්න. කැටි නොගැහෙන්න හොඳට හැඳිගාන්න. මේකට වැනිලා ටිකකුත් එකතු කරන්න.

බිත්තර සුදු මද ටික හිම වගේ ඝන වෙනකල් බීට් කරගන්න.

සියල්ලම කිරි මිශ්‍රණයට කලවම් කරන්න.

මේක ෆ්‍රිජ් එකේ දාලා උඩින් චොක්ලට් ග්‍රේට් කරලා ඩ්‍රෙස් කරගන්න.

Amila & Hashi

මෙ  පුවත තවත් කෙනෙක්ට බලන්න Share කරන්න

225. අල පූරි සාදාගන්නා ආකාරය

අවශ්‍ය දේවල්:........

🥔තම්බපු අල ගෙඩි 2 (150g)

🥔පාන් පිටි 150g, අටා පිටිත් ගන්න පුළුවන් 

🥔හීනියට කපා ගත්තු කරපිංචා ටිකක්

🥔කහ කුඩු තේ හැදි කාලක්

🥔මිරිස් කුඩු තේ හැදි කාලක්

🥔වතුර 50ml

🥔රස අනුව ලුනු ටිකක්

🥔ගැබුරු තෙලේ බැද ගන්න තෙල් ටිකක්

සාදාගන්නා ආකරය:

🍎මුලින්ම භාජනයක් අරගෙන එ්කට තම්බපු අල ටික දාලා අතින් හොදට පොඩි කරගන්න.

🍎ඊට පස්සෙ ඒකට පාන් පිටි, කහ කුඩු, මිරිස් කුඩු, කරපිංචා සහ ලුනු කුඩු ටිකක් දාගෙන හොදට කවලම් කරගන්න.

🍎ඊට පස්සෙ වතුර ටික ටික දාගෙන පිටි ගුලිය හදාගන්න. ඊට පස්සේ ඒකට තෙල් ටිකක් අතගාල (අතේ නොඇලෙන පදමට විතරක්) පැය භාගයක් විතර පැත්තකින් වහලා තියලා තියන්න.

🍎හරි දැන් තියෙන්නෙ පොඩි පිටි ගුලි හද හදා ලෑල්ලක් උඩ තියල තුනී කරගන්න.

🍎ඊට පස්සෙ.ගැඹුරු තෙලේ බැදගන්න. (තුනී කරගන්න කලින් තෙල් ටිකක් ලෑල්ලෙත් ගා ගන්න).

🍎ඊට පස්සෙ ඉතින් උණු උණුවෙන්ම කන්න තමයි තියෙන්නෙ. මේක කන්න ගොඩාක්ම ගැලපෙන්නෙ බ්ලෙන්ඩ් කරගත්තු පොල් සම්බෝලයක් එහෙමත් නැත්තම් තෝසෙ කන කොල පාට සම්බෝලයක් එහෙම නැත්නම් රතුපාට හදා ගත්ත චිකන් කරියක් මරු....

වෙල්ලාසේ කටගැස්ම.....

මෙ  පුවත තවත් කෙනෙක්ට බලන්න Share කරන්න

219. බෝංචි මැල්ලුමක් සාදාගන්නා ආකාරය

බෝංචි මැල්ලුම.....✨️✨️✨️✨️

(බෝංචි මිල අඩු වුනාම හදලා බලන්න )

අවශ්‍ය 👇

✨️බෝංචි 

✨️කහ

✨️ලුනුකුඩු 

✨️පොල් 

✨️ගම්මිරිස් 

✨️සුදුලූනූ 

✨️රතුලූනු 

✨️උම්බලකඩ 

✨️කරපින්චා 

✨️අමුමිරිස් 

✨️තෙල් 

✨️අබ 

හදමු 👇

😊බෝංචි ටික සෝදා සිහින්ව කපා ගෙන බාජනයකට දමා ලුණු කුඩු ස්වල්පයක් සහ වතුර ස්වල්පයක් දමා මද ගින්නේ පිසගෙන ලිප වසාගෙන.

😊සිහින්ව ගාගත් පොල්,ලුණු ,කහ,ගම්මිරිස් ,සුදුලූනූ බික් එකක්,අමුමිරිස් කරලක්  වංගෙඩියට දමා හොදින් කොටාගන්න.

😊බදුනක් ලිප තබා එයට තෙල් ස්වල්පයක් දමා රත්වෙන විට අබ ඇට ස්වල්පයක් ,ලියාගත් රතුලූනු ,කරපින්චා ,උම්බලකඩ,දමා කලවම් කර කොටා ගත් පොල් මිශ්‍රණය දමා කලවම් කර එයටම බෝංචි ටිකත් දමා කූරූ ගා ගෙන ලිප වසාගන්න.

😊දැන් රසම රස බෝංචි මැල්ලුම රස බලමූ......😋

ගංගා ...✍

#කමු රසට

(බෝංචි මිල අඩු වුනාම හදලා බලන්න )

මෙ  පුවත තවත් කෙනෙක්ට බලන්න Share කරන්න

218. තල අලුවා සාදාගන්නා ආකාරය

🍁 රසම රස තල දාපු අලුවා හදමුද.? 🍁

```````````````````` M&m kitchen🍽️...✍️ ´´´´´´´´´´´´´´´´´´´´

🧇🧇🧇🧇🧇🧇🧇🧇

♨️♨️ තල අලුවා රෙසිපිය -

🔥 අවශ්‍ය ද්‍රව්‍ය :

* සුදු හාල් පිටි 500g

* සෝදා වේලාගත් තල ඇට 250g

* සුදු සීනි 500g

* රස අනුව ලුණු කුඩු 

* කුඩු කරගත් එනසාල් ඇට 2 ක් ( කැමතිනම් )

* වතුර

🔥 සාදන ආකාරය :

🥣 මුලින්ම හාල් පිටි ටික ගොඩාක් රන්වන් පාට නැතිව බැදී පිටි සුවද එන තෙක් බැදගන්න.

🥣 ඊලගට අලුවා කැපීමට සුදුසු තැටියක් හෝ ලෑල්ලක් සූදානම් කර බැදපු හාල් පිටි ටිකක් ඒ මතට ඉස පසෙකින් තබාගන්න. තවත් පිටි ස්වල්පයක් අලුවා කැපූ පසු ඒවායෙහි තැවරීමට ඉවත් කර ගන්න.

🥣 ඊලගට තල ටික අඩුම ගින්දරේ සුවද එනතුරු බැදගන්න.

🥣 දැන් සීනි ටික තාච්චියකට දමා සීනි වැහෙන ප්‍රමාණයට ටිකක් වැඩියෙන් වතුර දමා මද ගින්දරේ සීනි ටික හොදින් උණු කරන්න. 

🥣 රස අනුව ලුණු එකතු කර ගන්න.

🥣 සීනි ටික බුබුළු දාලා නූල් ඇදෙන පදමට ආ පසු ලිප නිවා පැණි ටික මදක් නිවෙන්න තබන්න. 

🥣 පැණි වල නූල ඇදෙන පදම බලාගන්න පුලුවන් හැන්දෙන් පැණි වත්කරද්දී අන්තිම බිංදුව නූලක් තරමට ඇදිලා වැටෙනවනම්. නැත්නම් පැණි බිංදුවක් ඇගිල්ලකට අරන් අල්ලද්දී නූලක් වගේ ඇදෙනවනම් ඒත් හරි. ඕනිවට වඩා පැණි උණු කරන්නත් එපා. බාගෙට උණු කරන්නත් එපා. 

🥣පැණි එකෙන් මේස හැඳි කිහිපයක් වෙනත් බදුනකට ඉවත් කරන්න ඕනි වුණොත් පසුව ගන්න.

🥣 ඊලගට බැදපු තල ටික පැණි එකට දාලා හොදින් කලවම් කරන්න. 

🥣 දැන් බැදගත් පිටි ටික ටික දමමින් පත්තකින් අත ඉක්මන් කර හොදට කලවම් කරගන්න.

🥣 දැන් අලුවා මිශ්‍රණය එක ගුලියක් වගේ එද්දී සූදානම් කර තැබූ තැටියට දාගෙන ඉක්මණින් තුනී කරගන්න.

🥣 ඊලගට රස්නෙ පිටින්ම අලුවා කෑලි කපාගෙන හොදින් නිමුණු පසු අලුවා කෑලි වෙන්කර මුලින් ඉවත් කර ගෙන තිබූ බැදපු පිටි වල තවරා භාජනයක අසුරා ගන්න.

🥣 අලුවා මිශ්‍රණය තැටියට දාගෙන කෑලි කපාගන්න බැරිව යන වෙලාවල් ඔයාලටත් වෙලා ඇති. කුඩු වෙලා ගිය වෙලාවල්. එතකොට උණු වතුර ටිකක් දාලා නැවත ලිපේ තියලා හැදිගාලා හයි වේගන එද්දී තැටියට දාගෙන ඉක්මණින් කෑලි කපාගන්න.

🥣 ඔන්න අපේ රසම රස තල අලුවා ලෑස්තියි.

🥣 ඔයාලත් හදලා රස බලන්නකෝ.

🧇🧇🧇🧇🧇🧇🧇🧇

```````````````````` M&m kitchen🍽️...✍️ ´´´´´´´´´´´´´´´´´´´´

රෙසිපිය හා ජායාරූප M&m kitchen🍽️ සතුයි.

මෙ  පුවත තවත් කෙනෙක්ට බලන්න Share කරන්න

216. රෝස්ට් චිකන් කරියක් සාදාගන්නා ආකාරය

🥘 රෝස්ට් චිකන් කරිය🥘

කරියට වගේම බයිට් එකටත් මරු...

අවශ්‍ය ද්‍රව්‍ය:

🍗 පොඩි කැබලි කපාගත් කුකුල් මස් 500g

🍗 බැදපු තුනපහ තේ හැන්දක්

🍗 මිරිස් කුඩු තේ හැඳි භාගයක් 

🍗 ගම්මිරිස් කුඩු තේ හැඳි භාගයක් 

🍗 සිහින්ව කපාගත් වියළි මිරිස් කරල් 5-6ක්

🍗 තලාගත් සුදු ළූණු බික් 3-4ක්

🍗 තලාගත් ඉඟුරු අඟලක කැබැල්ලක්

🍗 කුඩාවට කපාගත් බී ළූණු ගෙඩියක්

🍗 කරපිංචා ඉති 4-5ක්

🍗 සිහින්ව ලියාගත් සේර බඩයක්

🍗 ලා දුඹුරු පාට වනතුරු බැද  ගෙන කුඩුකර ගත් පොල් මේස හැඳි 2ක්

🍗 සීනි තේ හැන්දක්

🍗 ලුණු අවශ්‍ය පමණට

🍗 දෙහි බෑයක යුෂ

🍗 පොල් තෙල් කෝප්ප කාලක්

සාදන ක්‍රමය:

මුලින්ම  මස් ටිකට දෙහි බෑයක යුෂ, කහ ටිකක්, ලුණු කුඩු ටිකක් දමා අතගා පැය භාගයක් පමණ පසෙකින් තියාගන්න.

දැන් මැටි හට්ටියක් ලිපේ තබා එයට පොල් තෙල් දමා විනාඩියක් රත් කරන්න. තෙල් රත්වූ පසු එයට තුනපහ කුඩු, මිරිස් කුඩු සහ සිහින් ව කපා ගත් වියළි මිරිස් දමා විනාඩියක් පමණ බැද ගන්න.

දැන් එයට ලූණු එක්කර හොඳින් තෙම්පරාදු කරන්න.

මේ තෙම්පරාදුවට කරපිංචා, සේර, සුදුලූනු හා ඉඟුරු දමන්න. ලිපේ දැල්ල අඩු කර විනාඩි 2-3ක් මිශ්‍රණය තෙම්පරාදු කරන්න

මීළඟට සීසන් කරගත් කුකුල් මස් ටික දමා ලිපේ දැල්ල අඩු කර විනාඩි 5ක් පමණ බැදෙන්නට හරින්න.

මස් ටික යන්තමට බැදීගෙන එද්දී එයට අඹරාගත් පොල්, ගම්මිරිස්, ලුණු සහ සීනි එකතු කර හොඳින් හැඳි ගාන්න. දැන් ලිපේ දැල්ල අඩු කර පියන වසා විනාඩි 20-30ක් පිස ගන්න. විටින් විට හැඳි ගාමින් පියන ඇර බලන්න.

තෙල් වෙන්වී වතුර ගතිය සිඳී ගිය පසු ලිපෙන් බාගෙන දෙහි යුෂ එකතු කරන්න. 

උපුටාගැනීමකි මුල්අයිතිකරුට ස්තූතියි

මෙ  පුවත තවත් කෙනෙක්ට බලන්න Share කරන්න

214. අප්සයිඩ් ඩවුන් මග්ලුබා රයිස් සාදාගන්නා ආකාරය

අප්සයිඩ් ඩවුන් මග්ලුබා රයිස්

Recipe by නිරංජි සේනානායක

මේක අරාබි බතක්. ක්‍රම කීපයකට හදන බතක් මස්, එළවළු හැමදේම අඩංගු නිසා සලාදයක් හරි මුදවපු කිරි එක්ක විතරකුත් කන්න පුළුවන්.

අවශ්‍ය ද්‍රව්‍ය:*

බාස්මතී හෝ කීරි සම්බා හාල් 500g

කපාගත් චිකන් 500g

තලාගත් සුදු ළූණු බික් 3

චොප් කරගත්ත ළූණු ගෙඩි 2

පෙති කපාගත් වම්බටු ගෙඩි 2

පෙති කපාගත් තක්කාලි ගෙඩි 2

පෙති කපාගත් අල ගෙඩි 2

මීකිරි කප් 1/2

කුරුඳු කුඩු තේ හැඳි 1/4

ගරම් මසාලා තේ හැඳි 1 1/2

මිරිස් කුඩු තේ හැඳි 1/4

කහ ටිකක්

රස අනුව ලුණු

 

සාදන ක්‍රමය:- 

චිකන් වලට මීකිරි, ලුණු, කහ, මිරිස්, සුදු ළූණු, ළූණු, කුරුඳු, කහ සහ ගරම් මසාලා එක් කර මිශ්‍ර කරගෙන චිකන් වැහෙන ගාණට වතුර එකතු කරගෙන විනාඩි 20ක් මදගින්නේ පිසගන්න.

ඒ අතරතුර වම්බටු, අල සහ තක්කාලි ගැඹුරු තෙලේ වෙන වෙනම බැදගෙන තෙල් බේරෙන්නට තියාගන්න.

චිකන් කෑලි ටික පමණක් කරියෙන් පිටතට ගෙන බත පිස ගැනීමට සුදුසු භාජනයක අඩියට අතුරා ගන්න. ඒකට උඩින් බැදගත් වම්බටු, අල සහ තක්කාලි පෙති අතුරාගන්න.

 එයටත් උඩින් සෝදා දිය බේරාගත් හාල් තට්ටුවක් අතුරා, ඉතිරි වූ චිකන් කරිය එයට එකතු කරගන්න. බත පිස ගැනීමට අවශ්‍ය තරම් ජලය මිශ්‍ර කරගන්න.

පියනකින් වසා බත ඉදෙන තුරු විනාඩි 30ක් පමණ පිසගන්න. පිසුණ පසු බන්දේසියක් මතට බත හරවා ගෙන පිලිගන්වන්න.

ඉදිරිපත් කිරීම Garlic and Ginger

මෙ  පුවත තවත් කෙනෙක්ට බලන්න Share කරන්න

190. කුකුල්මස් ස්ටූ සාදාගන්නා ආකාරය

කුකුල්මස් ස්ටූ සාදාගන්නා ආකාරය 

කුකුල් 1kg 

ලොකු ළූණූ ගෙඩි 5 

අමුමිරිස් කරල් 6 (මැදින් ඉරකින් වෙන් නොවන්න කපාගන්න ) 

කරපිංචා 

කුරුදුපොතු කෑල්ලක් 

 තලාගත් සුදුලූණූ බික් 20 

ගම්මිරිස් කුඩු මේස හැදි 3

 විනාකිරි මේස හැදි 2, 

අබ තේ හැදි 2 මේ දෙක එකට අඹරාගන්න.

 ( මන් ගත්තේ සුදු මිදි විනාකිරි ) 

සියඹලා ඇට 10ක් 

කහ,ලුනු එනසාල් 

සාදාගන්නා ආකාරය 

 කුකුල්මස් හොදින් සෝදා කහ ,ලුනු ,ගම්මිරිස් මේස හැදි 3 ,සියඹලා සහ වතුර දමා පැයක් තම්බගන්න වතුර හිදිලා ඉස්ම ගතිය එනකන්. ලූණූ රවුමට කපාගන්න .භාජනයකට තෙල් ටිකක් දමා රත් වූ පසු පලමුව තලාගත් සුදුලූණූ දමා බැදගන්න ,ඉන්පසු එයටම රවුමට කපාගත් ලූණූ දමා යන්තමින් බැදෙන විට ගම්මිරිස් මේස හැදි 1 කුරුදුපොතු කෑල්ලක් දමා කලවම් කරගෙන කුකුල්මස් ටික ඉස්ම එක්කම දමාගෙන කලවම් කර අමුමිරිස්, කරපිංචා, එනසාල් ,විනාකිරෙන් අඹරපු අබ එකතුකර රස අනුව ලුනු ස්වල්පයක් දමන්න.හරිම ලෙහෙසි හරිම රසයි .

මෙ  පුවත තවත් කෙනෙක්ට බලන්න Share කරන්න

189. දේශීය ආහාර සංස්කෘතිය මියදෙන්නට පෙර

ශ්‍රී ලාංකිකයින්  වශයෙන් අපි දැන් සියල්ලන්ට ම වඩා මායාවන්ට නැඹුරු වූ ජනතාවක් යැයි සිතේ. බොහෝ අයගේ හද  මෙන්ම මනස ද විකලාංග වී ඇති සැටියකි.

මේ හේතුවෙන් ලාංකීය සමාජයේ භෞතික අභෞතික සියලු ම සාධක වලින් සමන්විත ආවේනික සංස්කෘතික සාධක මියැදෙමින් තිබේ. සංස්කෘතික කම්පනය හෙවත් තම සංස්කෘතියෙහි පවතින උසස් සාධක වෙනත් සංස්කෘතීන්ගේ ආක්‍රමණයන් නිසා බිඳවැටීම ගැන බහුතර පිරිස් ගණනකට ගන්නේ නැත. දේශීය ආහාර සංස්කෘතියට ද අත්වී ඇත්තේ එම ඉරණමයි.


බහුතරයකට නොතේරෙන ගොලීයකරණය, ඒ ඔස්සේ ගොඩනැගුණු ව්‍යාපාරික ආධිපත්‍ය, නව වෙළඳපොළ ව්‍යාප්තිය, මේ සියල්ලට ඉනිමං තනන ජනමාධ්‍ය හා නවමාධ්‍ය ක්‍රියාවලිය ආදී බොහෝ සාධක ලාංකේය ජනතාවගේ ආකල්ප වෙනස් කර හමාරය. තම රටේ සිට බටහිර සාධක අනුගමනය කරන්නේ එම හේතුවෙනි. මුළු ලෝකය තුළ ම එකම ආකාරයේ සංස්කෘතියක් ගොඩනැගීම ගෝලීයකරණයේ පරමාර්ථයයි. එලෙස දැනට ගොඩනැගෙමින් පවතින ඒකීය සංස්කෘතිය බටහිරවාදී සංස්කෘතියක් බව කවුරුත් සිතන්නේ නැත. එසේනම් මෙය බටහිර රටවල උපක්‍රමයකි. ඔවුන්ගේ භාණ්ඩ හා සේවා දේශ සීමා ඉක්මවා නිදහසේ ගලා යන්නට  සලස්වා, ඉන් අනතුරුව ඒවාට මාධ්‍ය හරහා ප්‍රචාරය ලබා ගනී. ඒවායෙහි පවතින පහසුව, සුඛනම්‍ය බව කරණකොට ජනතාව විසින් මහත් අභිරුචියන් එම භාණ්ඩ හා සේවා පරිහරණය කරයි. එයින් සිදුවන්නේ බටහිර රටවල බහුජාතික සමාගම් පෝෂණය වීම බව නොකිය මනාය‍. අතීතයේදී පිටරටට ණය නොවූ අප, අද ණය බරින් මිරිකී සිටී. උපක්‍රමශීලීව අප රටෙහි ව්‍යාප්ත වූ විදේශීය සාධක වැලඳ ගැනීමත් ඒවා පරිහරණයට සියළු සේසත විය පැහැදම් කිරීමත් මීට ප්‍රධානතම හේතුව වී තිබේ. දේශීය දේ පාගා නොදන්නා දේ පිටුපස හඹා යාමට තරම් අප රට ජනයා මහා මායාවකට නැඹුරු වී ඇතැයි සඳහන් කරන්නේ එහෙයිනි. විශේෂයෙන්ම ලාංකේය සංස්කෘතිය බිඳීම වැඩිහිටි හා බාල පරපුර අතර අරගලයක් බවට පත්ව තිබේ. බාල පරපුර විසින් ගෙනයන විරෝධී සංස්කෘතික රටාවන් නිසා වැඩිහිටි පරපුර දේශීය සංස්කෘතිය වියැකී යාම නිසා කම්පනයට පත්ව සිටී. එහෙත් දැන් දැන් වැඩිහිටි පරපුරද නව සංස්කෘතික ප්‍රවාහයට සිය සිත යොමුකර ඇති බව පෙනේ. එය ගෝලීයකරණ පරමාර්ථ කඩිනමින් මුදුන් පමුනුවා ගැනීමට පහසුකම් සැපයීමක් වැනිය.


දේශීය ආහාර සංස්කෘතියට අත්ව ඇති ඉරණම, දේශීය සංස්කෘතිය විතැන් වීම පිළිබඳ ප්‍රබල සාක්ෂීයකි. එදා ගම, ගම ගෙදර අද අරුමයක් වී තිබේ. දේශීය ආහාර යන සාධකය අභිමුව දේශීය සංස්කෘතිය මතුවූවා පමණක් නොවේ. සෞඛ්‍ය සම්පන්න දිවි පෙවෙත හා බැඳෙන ප්‍රධාන සාධකයක් ලෙස ද දේශීය ආහාර සංස්කෘතිය පෙරමුණ් සිටී. බුදු වදනට අනුව නීරෝගීකම පරම ලාභයයි, එසේ නීරෝගී වීමට නම් “ සිය රට දේ - සිරි සැප දේ” යන තේමාවෙන් කටයුතු කළ යුතුය. දේශීය ආහාර යනු සම්මතයෙන්ම ඖෂධ ය. පැහැදිලි බසින් කියන්නේ නම් මෙරට ආවේණික ආහාර පරිභෝජනය ඖෂධ පරිභෝජනය  කිරීමක් වැන්න. එවිට පරම ලාභය වන නීරෝගී කම සුරක්ෂා වන්නේ ය.


නවීකරණය වීම අත්‍යවශ්‍ය ය. එහෙත් එය පවතින සමාජයට ආවේණික ක්‍රම පද්ධතියක් ඔස්සේ සිදුකල යුතු වේ. නැතිනම් ආගන්තුක නොවන, සරල, දිවියට සමීප, මුදල් වියදම් නොවන අතිශය හිතකාමී සංස්කෘතික සාධක පවා යටපත් වීම වැලැක්විය නොහැකියි. සියලු ම බටහිර සාධක වැළඳ ගැනීම වැළැක්විය නොහැකියි. 


සියලු ම බටහිර සාධක වැළඳ ගැනීම යනු නවීකරණය නොවේ. රට ක අනන්‍යතාවය රකින සංස්කෘතික බැම්මට හානි නොවන පරිදි ඒ හැම දේම ගලපා ගැනීමයි, නිසි නවීකරණය ලෙස සලකන්නේ.


දේශීය ආහාර සංස්කෘතිය තුළ නිවසට අවශ්‍ය ආහාර ද්‍රව්‍ය වලින් බහුතර ප්‍රමාණයක් ගෙවත්තෙන්, හේනෙන් සපයා ගන්නා ලදි. සැබැවින්ම එය ස්වයංපෝෂීත බව කියා පෑමකි. කෙටියෙන්ම කියතහොත් ලාංකිකයන් වවාගෙන කන්නට පුරුදු වී සිටි පිරිසකි. ගම ආසන්නයේ හේනෙහි කුරක්කන්, කවුපි, මුං වැනි ධාන්‍ය වර්ග, පළා වර්ග, වට්ටක්කා, පුහුල්, ලබු, මඤ්‍‍‍‍‍ෙඤාක්කා බතල ආදිය වැවීය. නිවස අසළ හිඟුරාල, රටල, බතල, කිරිඅල, කුකුළල ආදී අල වර්ග වවාගෙන සිටියහ. තවත් පසෙක කෙසෙල් පඳුරු කිහිපයක්, කහ, ඉඟුරු හා තවත් බෙහෙත් පැළෑටි වර්ග ද වවාගෙන තිබුණි. කුඹුරෙන් වී ටික ලැබුණු අතර කුඹුර අසල දෙනිකඩෙහි නිවෙසට අවශ්‍ය එළවළු වැවීය. පොල්පලා, ඉරමුසු, එලබටු, ඉරිවේරිය, කෝමාරිකා‍ හාතාවාරිය, වැල්පෙනෙළ ආදී දෑ හේනේ පිටියෙන්, නිවෙස අසළ ගෙවත්තෙන් සපයා ගැනීමට හැකිවිය. මේවා ප්‍රයෝජනයට ලබා ගන්නේ විටෙක ආහාර ලෙසයි, විටෙක බෙහෙත් ඖෂධ ලෙසයි. ශ්‍රී ලාංකේය සංස්කෘතියේ බොහෝ ආහාර ඖෂධ යැයි මීට පෙර සඳහන් කළේ එහෙයිනි. 


ආහාර සුරක්ෂීතතාවය පිළිබඳ ව අවධානය යොමු කිරීමේදී ඒ සඳහා අද මෙන් නවීන ක්‍රම නොතිබූ නමුත් කිසිදු අතුරු ආබාධ ඇති නොවන, විවිධ රසායනික භාවිතයන් නොමැති සෞඛ්‍ය සම්පන්න ආහාර සුරක්ෂීතතාවක් සිදුකර තිබේ. කෘමි නාශක, වල් නාශක ඉස වැවූ ආහාර නොතිබූ අතරම එම ආහාර සුරක්ෂීත කිරීමට ද එබඳු ක්‍රම අනුගමනය නොකලේය. බිස්ස, අටුව, දුම ආදී නිර්මාණයන් ආහාර සුරක්ෂීත කිරීමට යොදාගන්නා ලදි. ගෙදර වී බිස්ස නිතරම වී වලින් පිරී තිබුණී. දුම හා අටුව කජු, දෙල්, , අටු කොස් හා, කොට්ට පොල් ආදියෙන් සමන්විත විය. කුස්සිය මුල්ලේ කොස් ඇට මුල්ලකි. අවුවේ වියළා එළවළු කල් තබා ගන්නේ ය. වැව් මාළු, මස් ලිපට උඩින් ඇති දුමේ දමා වේලාගෙන කල්තබා ගැනීමේ සම්ප්‍රදායක් පැවතිනි.


කුරක්කන් රොටියක්, කුරක්කන් පිට්ටුවක්, කුරක්කන් තලපයක් නොමැති ගෙදරක් නොවී ය. සෑම දිනකම ගත්තේ සමබර ආහාර වේළකි. දිනෙන් දිනට වෙනස් මැල්ලුමක් බතට එකතු විය. කුමන හෝ වර්ගයක කැඳක් සෑදිණි. නීරමුල්ලිය, පොල්පළා, රණවරා ඉරමුසු ආදිය තේ වෙනුවට යොදා ගත්හ.


මෙකී ක්‍රමවේද තුල සමබර ආහාර වේළක් භුක්ති විඳීමත්, දිනෙන් දින වෙනත් ආහාර ලබා ගැනීමත්, වෙහෙස වී වැඩකරන නිසා සහ ගන්නා ආහාර ශරීරයට අහිතකර නොවන නිසාත්, පෙර ශ්‍රී ලංකාවේ නිරෝගී ජන පරපුරක් වාසය කළේය‍. මුදල් සෙවීමට කිසිදු තරගයක් නොතිබූ නිසාත් ගැටුම් ද ඇති නොවීය. තම අවශ්‍යතා සපුරාගෙන සමඟියෙන් සමාදානයෙන් දිවි ගතකර තිබේ.



අද දවසේ පරි‍භෝජනයට නොව වෙළදාම සඳහා සියල්ල සිදුකරන අතරවාරයේ ආහාර නිෂ්පාදනය සිදුකරන්නේද විකිණීමටය. වවාගෙන කෑම නොව වවා විකිණීම සිදුකරයි. එවිට සෞඛ්‍ය සම්පන්න බව ගැන සිතන්නේ නැත‍. රසායනික පොහොර, කෘමිනාශක ආදිය ඉතා තදින් භාවිත කර මහා පරිමාණයේ විවිධ වගාවන් සිදුකරන අතර ඒවා පරිභෝජනය කරන්නන් ඉතා කෙටි කාලයකින් රෝගීන් බවට පත්වේ. එමෙන්ම ඒ සියල්ල කඩපලට විකුණා, කඩෙන් ගෙදරට  අවශ්‍ය සියළු දේ මුදල් දී රැගෙන එයි. ඒ ගෙන එන ආහාරවලින් වැඩි කොටසක් විවිධ රසකාරක, රසායනික සංයෝග සහිත කෘත්‍රීම උපක්‍රමයන් භාවිත කර සකසන ලද ආහාර වර්ගය. තම කුඹුරෙන් ලබාගත් වී වලින් සකසා ගත් සහලේ බත සහ ගලේ ඇඹරූ පොල් සම්බෝලයක බලයෙන් සුළු ප්‍රමාණයක් හෝ අප කඩපලෙන් අද මිලදී ගන්නා ආහාරවල අන්තර්ගත නොවේ. ඉවූ බතට “ Rice” යැයි ඉංග්‍රීසි පදය කීමටත්, ඒවා රසකර කෑමටත් පුරුදු වී සිටින සැටි කාටත් ආගන්තුකක නැත. නමුත් එයින් එනතුරු විපාක කිසිවිටෙක වර්තමාන පරපුර ගනණකට ගන්නේ නැත. පැය ගණනක් මඳ ගින්නේ පදම්කර බතට එක්කරගන්නා පොළොස් ඇඹුල ඉවතට යන්නේ, සම්ප්‍රදාය, අපේකම, පාරම්පරික දේශීය ඥාණය ආදිය කොන්දේසි විරහිතව ප්‍රහීන කර ඇති නිසයි. 


“ චූන් පාන් “ ළඟටම එද්දී කොතරම් පහසුවක් ද..? ආහාර සකසා ළඟටම ගෙන දෙන මුත් සැබැවින්ම ආහාර ඇතුළත සිටින්නේ මිනිසුන් රෝගී කරන මාරාන්තික රකුසෙකි. බටහිරින් පැමිණි තිරිඟු පිටි මහත් අභිරුචියෙන් දෛනිකව භාවිත කරන ලාංකේය ජනතාව කුරක්කන් සොයන්නේ වැඩ  වැරදුනු පසුවය. බෝ නොවන  රෝග බොහෝමයක ආරම්භය සටහන් වන්නේ අප එදිනෙදා ගන්නා ආහාර මඟිනි. එම ආහාර වවන මොහොතේ සිට ආහාරයට ගන්නා අවස්ථාව දක්වා විවිධ අහිතකර විෂ ද්‍රව්‍ය එකතු වේ. වැවීමට රසායනික, කල් තැබීමට රසායනික, පිසීමට රසකාරක ආදී වශයෙන් ගලපා බැලූ විට අපි ශරීර ගතකරගන්නේ පෙර මෙන් පිරිසිදු ආහාර, බෙහෙත් ඹෟෂධ බඳු ආහාර නොවේ. වස විෂ පමණි. රෝහල්වලට ඔරොත්තු නොදෙන තරමට ලෙඩුන් පිරීමට මුඛ්‍ය හේතුව මෙය වී තිබේ. වැළඳෙන ඇතැම් රෝග මොනවාදැයි හඳනා ගැනීමටත් අසීරුය. ඊට ප්‍රධානතම හේතුවක් ලෙස දේශීය සංස්කෘතිය හා බැඳි පිරිසිදු, පෝෂ්‍යදායී ආහාර පරිභෝජන රටාවක් නොතිබීමයි. අවසානයේ මුදල් සෙවීමට සිදුකල සියළු ප්‍රයත්න වලින් සපයාගත් මුදල් පමණක් නොව, තවත් ණය වී පවා ලෙඩ සුවකර ගැනීම සඳහා මුදල් වියදම් කිරීමට සිදුවේ. මන්දයත් බටහිරින් හඳුන්වා දී  ඇති බොහෝ ආහාර වර්ග ශරීරයට අහිතකර ක්ෂණික ආහාරවර්ග වන අතර ඒවායෙහි ආකර්ෂණීය රසයක් පවතී. ක්ෂණිකය, පහසුය, නමුත් ගුණ හීනය. මොහොතක රසය විශාල මුදලක් ලබා දී සපුරා ගැනීමේ ආදීනව මතුවන්නේ කලක් ගතවූ පසුවයි.



ජනමාධ්‍යයේ හා වෙළෙන්දන්ගේ මිතුරු සබඳතාවය හරහා විවිධ ආහාර පරි‍භෝජන රටාවලට පුරුදු වූ ශ්‍රී ලාංකික ජනයා සිදුකර ඇත්තේ තම දිවි පරදුවට තබා ජනමාධ්‍ය හා වෙළෙන්දන් පෝෂණය කිරීමකි. මෙම තත්ත්වය වර්තමාන පරපුර ඉතා කඩිනමින් තේරුම්ගත යුතුව තිබේ. නැතහොත් දේශීය සංස්කෘතිය හීනවනවා පමණක් නොව, මුළු ශ්‍රී ලංකාවම ලෙඩුන්ගෙන් පිරි රටක් බවට පත්වීම වැඩි ඈතක නොවේ. දැනටමත් බිළිඳු දරුවනට පවා දියවැඩියාව වැනි රෝග වැළදීමට පටන්ගෙන තිබේ. දැනට අනුගමනය කරන ආහාර රටා එලෙසම පැවතියහොත් එකී ඛේදනීය තත්ත්වයන් තව තවත් උග්‍ර වනු ඇත. 



සියළු ජනතාව ජනමාධ්‍යයේ ගැත්තන් වශයෙන් පසුවන සමයෙක ශ්‍රී ලාංකිකයන්ගේ ආකල්ප යහපත් අතට හැරවීම අසීරුය. බාල, තරුණ, වැඩිහිටි යන සියල්ලන්ගේම තත්ත්වය එබඳු බව අතිශය භයානක තත්ත්වයකි. නමුත් දැන් දැන් ක්‍රියාවට නංවන දේශීය වී වගා ව්‍යාප්තිය, දේශීය පලතුරු වැවීමේ පලතුරු ගම්මාන වැඩසටහන්, ගෙවතු වගා සංකල්පය, වල් නාෂක තහනම් කිරීම්, රසායනික පොහොර වෙනුවට කාබනික පොහොර භාවිතයට හුරු කිරීම්, ආදී ක්‍රමවේද පැසසුමට ලකකල යුතුය. එමෙන්ම ඒවා ක්‍රියාත්මක කරන පිරිස් මනා සංවර්ධනාත්මක සන්නිවේදනයක් හරහා ජනතාව වෙත මෙම ක්‍රම ක්‍රියාත්මක කිරීමේ අවශ්‍යතාවය දැන්විය යුතුය. නැතිනම් මුදලට සියල්ල කල නොහැකි බව දැනගන්නා විට ගොඩගත නොහැකි විනාශයක් මෙරට ජනතාවට අත්වීම වැළැක්විය නොහැකියි.

ෂෙල්ටන් බණ්ඩාර,

අනුරාධපුරය.

මෙ  පුවත තවත් කෙනෙක්ට බලන්න Share කරන්න

172. කොරොනා වලට ගුණ සුදු ළූණු ව්‍යාන්ජනයක් සාදාගන්නා ආකාරය

කොරොනා වලට ගුණ සුදු ළූණු ව්‍යාන්ජනයක් සාදාගන්නා ආකාරය

අවශ්‍ය ද්‍රව්‍ය

සුදු ළූණු 500 g
මිටිකිරි කෝප්ප 1ක්
මිරිස් කුඩු මේස හැඳි 1/2ක්
තුනපහ කුඩු මේස හැඳි 1/4ක්
අමු මිරිස් කරල් 2ක්
උම්බලකඩ 5g
කහ ස්වල්පයක්
රම්පෙ කොළ භාගයක්
කරපිංචා කිණිති 2ක්
උළුහාල් ස්වල්පයක්


සාදන අන්දම

සුදුලූණු ඉස්සෙල්ලම පොතු සුද්ද කරලා හෝදලා දෙකට කපා ගන්න . දෙකට කපන්නේ නැතිව උයනවනම් තමයි මම කැමති . ඒත් කැමතිනම් කපාගන්න . ඊට පස්සේ කපාගත්ත අමු මිරිස් , උම්බලකඩ , රම්පෙ , කරපිංචා , මිරිස් කුඩු , තුනපහ කුඩු , කහ කුඩු , උළුහාල් , ලුණු , මිටිකිරි අර සුදු ළූණු ටිකත් එක්ක පිසින භාජනයේ එකතු කරලා හොඳට කලවම් කරගන්න . ඊට පස්සේ මද ගින්නේ පිසගන්න තමයි තියෙන්නේ . වැඩිය ගින්දර දාලා තම්බ ගන්න එපා . එහෙම උනොත් සුදු ළූණු වලින් වැඩක් වෙන්නේ නැහැ . ඒ නිසා තරමකට පිසගෙන කෑමට ගන්න . රම්පෙ දානකොට සමහර අය කොලේ විතරක් දාලා පස්සේ ව්‍යංජනයෙන් ඉවත් කරනවා . ඒත් කරන්න ඕන රම්පෙ කොලෙත් පොඩියට කපලා ව්‍යංජනයට දාන එක .

මීට අමතරව සුදු ළූණු පොත්ත පිටින් පුච්චලා මී පැණිත් එක්ක කන එකත් හොඳයි . තව සුදු ළූණු අමුවෙන් කන්නත් පුළුවන් .

එහෙනම් සුදු ළූණු උයලා කාලා බලන්න .

තවත් ලිපියකින් හමුවෙමු

ඔබ සැමට සමන් දෙවිඳුගේ පිහිට ලැබේවා !

165. දඹල මැල්ලුමක් සාදාගන්නා ආකාරය Ami & Hashi

 දේශපාලනයෙන් මිදිලා අද අලුත් කැමක් හදන්න කියලා දෙන්නම්. දඹල මැල්ලුමක් රසට පහසුවෙන් ඉක්මනින් සාදාගන්නා ආකාරය

දඹල මැල්ලුම 

දඹල ටික සුද්ද කර සිහින්ව කපා ගන්න...

රතු ලූනු, සුදු ලූනු, කුරුඳු පොතු, ගම්මිරිස්, කහ, කෑලි මිරිස් , ල්ණු... පොල් එකට කොටා සම්බෝලයක් සදා ගන්න

තෙල් ටිකක් ලිප තබා රත් වන විට අබ ටිකක් දමා පුපුරවා ගන්න

එයට කපා ගත් දඹල ටික දමා තෙලෙන් මලවා ගන්න....

එයට සාදා ගත් සම්බෝලය දමා කලවම් කරන්න...

ලිපෙන් අයින් කර දෙහි ඇඹුල් එකතු කරන්න...

 පුවත තවත් කෙනෙක්ට බලන්න Share කරන්න

164. දැල්ලෝ ඩෙවල් එකක් සාදාගන්නා ආකාරය

දැල්ලො ඩෙවල් එකක් හදන හැටි Recipe එකත් එක්කම මෙන්න

මුහුදු ආහාර වලින් දැල්ලො කියන්නේ ගොඩක් දෙනෙක් කන්න ආස කෑමක් නේ. දැල්ලෝ එක එක විදියට සමහරු උයනවා. ඔන්න අපි අද කියන්න යන්නේ දැල්ලො ඩෙවල් එකක් අළුත් රසයකට හදන හැටි.

අවශ්‍ය ද්‍රව්‍ය :

දැල්ලන් ග්‍රෑම් 200 ක්, 

පොඩියට කපාගත් ළූණු ග්‍රෑම් 15 ක්,

 ලොකුවට කපාගත් ළූණු ග්‍රෑම් 50 ක්,

 ලොකුවට කපාගත් මාළු මිරිස් ග්‍රෑම් 30 ක්, පොඩියට කපාගත් තක්කාලි ග්‍රෑම් 30 ක්, 

කෑලි මිරිස් මේස හැඳි 1/2 ක්, 

තෙල් මේස හැඳි 2 ක්, 

කහ කුඩු තේ හැඳි 1/4 ක්, 

පොඩියට කපාගත් සුදු ළූණු තේ හැඳි 1 ක්, පොඩියට කපාගත් ඉඟුරු තේ හැඳි 1/2 ක්,

 හතරට පලාගත් අමු මිරිස් කරල් 4 ක්, 

දෙහි ගෙඩියක යුෂ,

 ලුණු,

 රම්පේ, කරපිංචා, කුරුඳු පොතු

පිළියෙළ කර ගන්නා ආකාරය :

දැල්ලන් හොඳින් සෝදා කපාගෙන දිය බේරෙන්නට හරින්න. තාච්චියක් ලිප තබා එයට තෙල් දමා ලොකුවට කපාගත් ළූණු , රම්පේ, කරපිංචා, සුදු ළූණු, අමු ඉඟුරු, කුරුඳු පොතු එක්කොට බැදෙන්න හරින්න. ඊටම කෑලි මිරිස්, ලුණු හා තක්කාලි ද එක්කරන්න. තක්කාලි හොඳට පොඩි වන්නට හැර දැල්ලන්, ළූණු, මාළු මිරිස්, තක්කාලි හා දෙහි දමා මිශ්‍ර කරන්න. මෙය පස්දෙනෙකුට පමණ සෑහේ.

මෙ  පුවත තවත් කෙනෙක්ට බලන්න Share කරන්න

161. රසවත් කතුරුමුරුංගා බැදුමක් සාදාගන්නා ආකාරය srilanka cooking

කල්තබාගෙන රස විඳින්න පුලුවන් බැදුමක් තමයි මේ..

💐 පිරිසිදු කළ කතුරුමුරුංගා කොළ සෝදා වතුර බිදක් වත් නැතිවනතුරු අතුරා තබන්න.වතුර පිටින් එක්කරොත් බදිනා විට තෙල් විසි වෙනවා..

💐 වියළි හාල්මැස්සන් පිරිසිදු කර වතුර ඉවත්වනතුරු තබන්න.වියළි මිරිස්ද එසේම කරන්න.වියළි මිරිස් කැබලි 3කට කඩාගන්න.

💐 පපඩම් කුඩා කොටු ආකාරයට කපා පසෙකින් තබන්න.

💐 සියල්ලම ගැඹුරු තෙලේ බැදගන්න .කතුරුමුරුංගා කොළ හොදින් තෙල් බේරෙන තුරු තබාගන්න .ඉන්පසු කෑලි මිරිස් හා ලුණු කුඩු එක්කර මිශ්‍රකරගන්න.මිශ්‍රකරගන්නා විට කොළ පොඩි නොකර මිශ්‍රකරගන්න.

වීදුරු බෝතලයක දමා සුලං නොවදින අයුරින් තබන්න.වැඩි දින ගණනක් තබා ගන්නවා නම් ශීතකරණයේ තබන්න.

කෑමට ගන්නා විට තක්කාලි සෝස් මිශ්‍ර කරගත් විට රසවත්ය..

💐 රටකජු හෝ කජු,නූඩ්ල්ස් ද ගැඹුරු තෙලේ බැද මේබැදුමටම එක්කර ගත හැක.. 

මෙ  පුවත තවත් කෙනෙක්ට බලන්න Share කරන්න

160. මාළු පාන් සාදාගන්නා ආකාරය srilankan cooking

මාළු පාන් සාදාගන්නා ආකාර

මලු බනිස් අවශ්‍ය දේවල්: (බනිස් 6කට)
යීස්ට් තේ හැදි 2
 සීනි තේ හැදි 2
 මද රස්නෙ වතුර පිටි 250 g
 බිත්තර කහ මද 1
 බටර් 70 g

 මද රස්නෙ වතුරෙ දියකරගත් කිරි පිටි තේ හැදි 3 (වතුර කප් කාලක් පමණ) ලුනු තේ හැදි කාලක් සාදාගන්නා ආකාරය: මුලින්ම සීනි හැදි 2ක් යීස්ට් මද රස්නෙ වතුරේ දියකර පිපෙන්න තියන්න,මිනිත්තු 10ක් පමණ. ඉන් පසු එයට කිරි පිටි සහ බටර් එකතු කරන්න. මම නම් Stand Mixer(with Dough Hook) එකේ තමය් ඇනුවේ. අතින් උනත් මේ විදිහට අනන්න පුලුවන්. දැන් බිත්තර කහමදේත් දාලා පිටි ටික ටික එක්කර අනාගන්න. හොද මෘදු ගතියට (Soft) ආවට පස්සෙ ලොකු භාජනේකට දාලා තෙත රෙද්දකින් වහලා පැයක් එකහමාරක් තියන්න. එවිට Dough එක (අනාගත්ත මිශ්‍රණය) දෙගුණ වෙලා තියේවි. දැන් ඒ Dough එක පිටි ඉසු ලෑල්ලක් මත තබා අතින් පොඩ්ඩක් අනලා සමාන බෝල හදාගන්න. දැන් ඒ බෝල තුනීකරලා හදාගත්ත පිරවුම මැදට තියලා ත්‍රිකෝණාකාර (Triangular) ආකාරයට නවාගන්න. දැන් බටර් ඇතිරපු තැටියක (පිපෙන්න ඉඩ ඇති) තියලා පිපෙන්න පැයක් තෙත රෙද්දෙන් වහලා තියන්න. පිපුනට පස්සෙ බිත්තර සාරු ටිකක් උඩින් ගාලා (Egg Wash) බේක් කරන්න 200°C විනාඩි 20ක් පමණ. පිරවුම සාදාගන්නා ආකාරය: බීලුණු අමුමිරිස් කරපිංචා සුදුලුණු තෙලට දාලා බැදෙනකොට සැමන් එක්කරන්න. ඉන්පසු තම්බා පොඩිකල අල එක්කරන්න. දැන් ලුනු, ගම්මිරිස් කුඩු කෑලිමිරිස් එක්කරන්න. බී-ලුණු වැඩියෙන් එක්කරන්න. කැමති නම් එළවලුත් එක්කරන්න.

මෙ  පුවත තවත් කෙනෙක්ට බලන්න Share කරන්න