243.පපඩම් සාදාගන්නා ආකාරය

පපඩම් (Papadam).  

(සාමාන්‍ය ප්‍රමානයේ පපඩම් 50 ක් සඳහා )

350g පමණ )

අවශ්‍ය ද්‍රව්‍ය :

උඳු පිටි 200g

පාන් පිටි 100g

ලුණු 20g

පොල් තෙල් 10g

ආප්ප සෝඩා 10g

උතුරන වතුර 150ml

බැදගත් හාල් පිටි 25g

සාදන ක්‍රමය :

උතුරන වතුර එකට ආප්පසෝඩා දමා දිය කරන්න .

රොඩු ඇත්නම් පෙරන්න 

පාන්පිටි සහ උඳු පිටි එකට මිශ්‍ර කර තුන් වරක් හලන්න .

මෙම පිටි වලට ලුණු සහ ආප්පසෝඩා මිශ්‍රනය ටික ටික එක්කර මින් මෝලිය සාදාගන්න .

තරමක් තදට හදා ගත් මෝලියට තෙල් එක්කරමින් හොඳින් අනන්න.

ඉන්පසු වංගෙඩියක දමා පැය 1/2 පමණ හොඳින් කොටන්න. ( විකල්පයක් ලෙස පාන් මෝලිය අල්ලන ආකාරයට , ඇදෙන සුලු තත්වයට එනතුරු අත් ගසන්න )

පදම් කල මෝලියෙන් සමාන කොටස් කඩා , අත්ලෙන් තෙරපා පැතලි කර , බැදගත් හාල් පිටි තවරමින් එක උඩ එක තබා තුනී කරන්න.

හෝ කැමති ආකාරයකට තුනී කර කටරයකින් හැඩ තල කපා ගන්න. තුනී වූ තරමට ලාබදායි වේ

(ලෑල්ලට හා රෝලිං පින් එකට තෙල් ටිකක් ආලේප කර ඇලීම වලක්වා ගන්න)

ඉන්පසු ලෑල්ලක අතුරා මද පවනේ දෙපැත්ත පෙරලමින් පැයක් පමණ වේලාගන්න.

80* c උෂ්නත්වය ට අවන් එකේ වේලෙන්න පුලුවනි.

පසුව තැවරී ඇති වැඩිපුර පිටි ඉවත් කර ඇසුරුම් කරන්න .

අවුරුද්දක් පමණ තබා ගත හැක.

*** මසාල පපඩම් සදහා :

 රත් කරගත්, සූදුරු , සිහින්ව ලියා ගත් කරපිංචා , කෑලි මිරිස් , පදම් කල මෝලියට එක් කරගත හැක.

Recipe by Seetha ponnamperuma 

උ.ගැ.

මුල් හිමිකරුට ස්තූතියි 🙏🙏

මෙ  පුවත තවත් කෙනෙක්ට බලන්න Share කරන්න

237. දකුණේ දෙල් බත සාදාගන්නා ආකාරය

පරංගි අපිව නැතිකරන්න ගෙනාපු ඒත් දැන් අපිට නැතුවම බැරි " දෙල් ' වලින් හදන......

         " දකුණේ දෙල් බත "

           🍈🥝🍈🥝🍈🥝

දෙල්බත සඳහා අවශ්‍ය ද්‍රව්‍ය

🍈 සම්බා හාල් ග්‍රෑම් 250ක්

🍈 තරමක දෙල් ගෙඩියක්

🍈රතු ලූණු ගෙඩි 5ක්

🍈අමු මිරිස් කරල් 2ක්

🍈රම්පේ කොළ කෑල්ලක් 

🍈කරපිංචා කොළ කීපයක්

🍈කුරුඳු කැබැල්ලක්

🍈ගම්මිරිස්කුඩු තේහැඳි 1/2ක්

🍈තුනපහ තේ හැඳි 1/2ක්

🍈මිරිස් කුඩු තේ හැන්දක්

🍈කහ තේ හැඳි 1/2ක්

🍈මිටි කිරි කෝප්පයක්

🍈දෙහි යුෂ

🍈ලුණු

සකසා ගන්නා ආකාරය

(==================)

🛑 දෙල් ගෙඩිය පොතු හැර හතරට පළා මැද ඇති නාරටිය වැනි කොටසත් ඉවත් කරගන්න. ඉන්පසු සෝදා කුඩා හතරැස් කැබලිවලට කපා ගන්න. කපාගත් කැබලි නැවත සෝදා ගෙන කහ කුඩු සහ දෙහි යුෂ එක්කර හොඳින් අතගාගෙන පසෙකින් තබන්න.

🛑 රතු ලූනු සහ අමු මිරිස් කපා පසෙකින් තබා ගන්න.

🛑 සම්බා සහල් සෝදා මැටි මුට්ටියකට දමන්න. එයටම සූදානම් කරගත් දෙල් කැබලිද එක්කර ගන්න. බත් සහ දෙල් ඉදීමට අවශ්‍ය පමණ වතුර එක්කර ලිපේ තබා ගන්න. බත් සහ දෙල් තැම්බෙන විට එයට කරපිංචා, රම්පේ, කුරුඳු කැබැල්ල සහ කහ එක්කර පොල්කටු හැන්දකින් කලවම්කර වසා වතුර හිඳෙනතුරු පිස ගන්න.

🛑 වතුර හිඳුණු පසු එයට පොල් කිරි, ගම්මිරිස් කුඩු, මිරිස් කුඩු, තුනපහ කුඩු, ලුණු, කපාගත් ලූනු සහ අමු මිරිස් ද එක්කරන්න.(සැර අවශ්‍ය ආකාරයට ගම්මිරිස් එක්කර ගත හැක ) දෙල් කැබලි කැඩී නොයන සේ ප්‍රවේශමෙන් හැඳිගාමින් කලවම් කරන්න. පොල්කිරි ටික හිඳෙනතුරු ඉදවා ගෙන ලිපෙන් බාගන්න.

🛑 උණු උණු දෙල් බත් මාළු ඇඹුල් තියල් කරියක් සමග රස බැලිය හැක.

🛑 වෑංජනයක් නොමැතිව වුවද දෙල් බත් පමණක්ම කෑමට ගැනීමටත් හැකිය

ශ්‍රී ලංකාවේ සාමාන්‍යයෙන් දෙල් ආහාරයට ගනු ලබන්නේ වෑංජන ලෙස හෝ තම්බා ගෙනය. සාමාන්‍යයෙන් දෙල් මාළුව සැකසීමේදී බතක් වෙනම පිස ගැනීම සිදුවන අතර එයට වැඩි කාලයක්, අමුද්‍රව්‍ය ප්‍රමාණයක් මෙන්ම ඉන්ධන ප්‍රමාණයක් ද වැය වේ. නමුත් දකුණේ ජනතාව මේ කරුණු සියල්ලම සැලකිල්ලට ගෙන නිර්මාණය කරන ලද ආහාරයක් ලෙස දෙල් බත හඳුන්වාදිය හැක. දෙල් බත ඉතා සුවඳකින් යුක්ත වන අතර, රස පිළිබඳව අමුතුවෙන් කිව යුතු නොවේ. ‘බඩ පැලෙන්නට’ කන්න පුළුවන් කෑමක් ලෙසත් දෙල් බත දකුණේ ජනප්‍රියයි .....😊😊

Thanks Original Owner 

Copied 🌎🌎 

මෙ  පුවත තවත් කෙනෙක්ට බලන්න Share කරන්න

225. අල පූරි සාදාගන්නා ආකාරය

අවශ්‍ය දේවල්:........

🥔තම්බපු අල ගෙඩි 2 (150g)

🥔පාන් පිටි 150g, අටා පිටිත් ගන්න පුළුවන් 

🥔හීනියට කපා ගත්තු කරපිංචා ටිකක්

🥔කහ කුඩු තේ හැදි කාලක්

🥔මිරිස් කුඩු තේ හැදි කාලක්

🥔වතුර 50ml

🥔රස අනුව ලුනු ටිකක්

🥔ගැබුරු තෙලේ බැද ගන්න තෙල් ටිකක්

සාදාගන්නා ආකරය:

🍎මුලින්ම භාජනයක් අරගෙන එ්කට තම්බපු අල ටික දාලා අතින් හොදට පොඩි කරගන්න.

🍎ඊට පස්සෙ ඒකට පාන් පිටි, කහ කුඩු, මිරිස් කුඩු, කරපිංචා සහ ලුනු කුඩු ටිකක් දාගෙන හොදට කවලම් කරගන්න.

🍎ඊට පස්සෙ වතුර ටික ටික දාගෙන පිටි ගුලිය හදාගන්න. ඊට පස්සේ ඒකට තෙල් ටිකක් අතගාල (අතේ නොඇලෙන පදමට විතරක්) පැය භාගයක් විතර පැත්තකින් වහලා තියලා තියන්න.

🍎හරි දැන් තියෙන්නෙ පොඩි පිටි ගුලි හද හදා ලෑල්ලක් උඩ තියල තුනී කරගන්න.

🍎ඊට පස්සෙ.ගැඹුරු තෙලේ බැදගන්න. (තුනී කරගන්න කලින් තෙල් ටිකක් ලෑල්ලෙත් ගා ගන්න).

🍎ඊට පස්සෙ ඉතින් උණු උණුවෙන්ම කන්න තමයි තියෙන්නෙ. මේක කන්න ගොඩාක්ම ගැලපෙන්නෙ බ්ලෙන්ඩ් කරගත්තු පොල් සම්බෝලයක් එහෙමත් නැත්තම් තෝසෙ කන කොල පාට සම්බෝලයක් එහෙම නැත්නම් රතුපාට හදා ගත්ත චිකන් කරියක් මරු....

වෙල්ලාසේ කටගැස්ම.....

මෙ  පුවත තවත් කෙනෙක්ට බලන්න Share කරන්න

215. බැදලා හින්දවා ගත් චිකන් කරි එකක් සාදාගන්නා ආකාරය

බැදලා හින්දවා ගත් චිකන් කරි එක🍗🍲

අවශ්‍ය දෙවල්:

                🥦 චිකන් 

                🥦පොල්තෙල්

                🥦කහා

                🥦ගම්මිරිස් කුඩු

                🥦ලුණු

                🥦මිරිස් කුඩු 

                🥦තුනපහා

                🥦රටලුණු

                🥦සුදුලුණු

                🥦රම්පා,කරපිංචා

                🥦අමුමිරිස්

                🥦කුරුදු පොතු,සියබලා ඉස්ම,

සාදන ආකාරය :

          හොදින් සෝදලා ගත් කුකුල්මස් ටික කහා ගම්මිරිස් ලුණු දලා තම්බා ගන්න.පසුව තම්බා ගත් කුකුල්මස් ටික ගැඹුරු තෙලේ බැද ගන්න.ස්ටොක් වතුර ටික අයින් කර තබා ගන්නා.භාජනයක් ලිපේ තියලා තෙල් ටිකක් දාන්න එක රත්වෙගෙන එද්දී තලා ගත් සුදුලුනු ටික දලා රම්පා කරපිංචා රටලුණු කුරුදු පොතු ටික දාලා කවලම් කරන්න ඒ ටික මැලවීගෙන එද්දී මිරිස් කුඩු තුනපහාකුඩු ටික දලා ටිකක් කවලම් කරන්න පසුව බැදගත් කුකුල්මස් ටික දාලා නැවතත් හොදට කවලම් කරන්න හොදට කවලම් උනාට පස්සේ අමුමිරිස් ටික දමන්න.දැන් අරන් තියා ගත්ත ස්ටොක් වතුර ටික දාන්න.ස්ටොක් වතුර ටික දා ගත් පසු ලුණු රස බලන්න මොකද තම්බ ගන්න ලුණුදාපු නිසා මදි නම් මේ වෙලාවේදි ලුණු එකතු කර ගන්න.දැන් සියඹලා ඉස්ම හෝ තක්කාලි දමා ගන්න. අවශ්‍ය නම් ඉස්ම ටිකක් තියා ගන්න නැතිනම් හින්දවලා ගන්න... 👌😍

මෙ  පුවත තවත් කෙනෙක්ට බලන්න Share කරන්න

214. අප්සයිඩ් ඩවුන් මග්ලුබා රයිස් සාදාගන්නා ආකාරය

අප්සයිඩ් ඩවුන් මග්ලුබා රයිස්

Recipe by නිරංජි සේනානායක

මේක අරාබි බතක්. ක්‍රම කීපයකට හදන බතක් මස්, එළවළු හැමදේම අඩංගු නිසා සලාදයක් හරි මුදවපු කිරි එක්ක විතරකුත් කන්න පුළුවන්.

අවශ්‍ය ද්‍රව්‍ය:*

බාස්මතී හෝ කීරි සම්බා හාල් 500g

කපාගත් චිකන් 500g

තලාගත් සුදු ළූණු බික් 3

චොප් කරගත්ත ළූණු ගෙඩි 2

පෙති කපාගත් වම්බටු ගෙඩි 2

පෙති කපාගත් තක්කාලි ගෙඩි 2

පෙති කපාගත් අල ගෙඩි 2

මීකිරි කප් 1/2

කුරුඳු කුඩු තේ හැඳි 1/4

ගරම් මසාලා තේ හැඳි 1 1/2

මිරිස් කුඩු තේ හැඳි 1/4

කහ ටිකක්

රස අනුව ලුණු

 

සාදන ක්‍රමය:- 

චිකන් වලට මීකිරි, ලුණු, කහ, මිරිස්, සුදු ළූණු, ළූණු, කුරුඳු, කහ සහ ගරම් මසාලා එක් කර මිශ්‍ර කරගෙන චිකන් වැහෙන ගාණට වතුර එකතු කරගෙන විනාඩි 20ක් මදගින්නේ පිසගන්න.

ඒ අතරතුර වම්බටු, අල සහ තක්කාලි ගැඹුරු තෙලේ වෙන වෙනම බැදගෙන තෙල් බේරෙන්නට තියාගන්න.

චිකන් කෑලි ටික පමණක් කරියෙන් පිටතට ගෙන බත පිස ගැනීමට සුදුසු භාජනයක අඩියට අතුරා ගන්න. ඒකට උඩින් බැදගත් වම්බටු, අල සහ තක්කාලි පෙති අතුරාගන්න.

 එයටත් උඩින් සෝදා දිය බේරාගත් හාල් තට්ටුවක් අතුරා, ඉතිරි වූ චිකන් කරිය එයට එකතු කරගන්න. බත පිස ගැනීමට අවශ්‍ය තරම් ජලය මිශ්‍ර කරගන්න.

පියනකින් වසා බත ඉදෙන තුරු විනාඩි 30ක් පමණ පිසගන්න. පිසුණ පසු බන්දේසියක් මතට බත හරවා ගෙන පිලිගන්වන්න.

ඉදිරිපත් කිරීම Garlic and Ginger

මෙ  පුවත තවත් කෙනෙක්ට බලන්න Share කරන්න

212. දෙල් වලින් රස කට්ලට් සාදාගන්නා ආකාරය

🟢දෙල් කට්ලට් 

 📌අවශ්‍ය ද්‍රව්‍ය

දෙල් 500 g

කටු රහිත කුකුල් මස් 150 g

ලොකු ළූණු ගෙඩි 1

අමු මිරිස් කරල් 3

අබ තේ හැඳි 1

සූදුරු තේ හැඳි 1

ගම්මිරිස් කුඩු තේ හැඳි 1/2

කෑලි මිරිස් කුඩු තේ හඳි 1

දෙහි බෑයක යුශ 

අවශ්‍ය පමන ලුණු 

📌කට්ලට් බැඳ ගැනීමට 

බිත්තර 2

පාන් කුඩු 

පොල් තෙල් 

📌සාදාගන්නා ආකාරය  🥣

ලුණු සහ කහ එකතු කර වාෂ්පයෙන් තම්බාගත් දෙල් ටික හොඳින් පොඩි කර ගන්න. ඉන්පසු මස් ටිකද කුඩා කැබලි වන සේ අඹරා පැත්තකින් තබා ගන්න. දැන් භාජනයක් ලිප තබා එයට පොල් තෙල් ටිකක් එක්කර පොල් තෙල් රත්වන විට අබ සහ සූදුරු එකතු කර අබ පුපුරන විට හීනියට කපාගත් ළූණු , අමු මිරිස් ද එක් කර තෙම්පරාදු කරගන්න. ළූණු ටික තැම්බෙන විට අඹරා ගත් මස් ද දමා හොඳින් කලවම් කරගන්න අතරතුර ගම්මිරිස් කෑලි මිරිස් සහ රස අනුව ලුණුද එකතුකර ගන්න. ඉන්පසු දෙල් ටික දමා සියල්ල හොඳින් මිශ්‍ර කර හදා ගත් මිශ්‍රණය නිවුන පසුව දෙහි යුෂ එකතු කර කුඩා බෝල සාදාගන්න. සාදාගත් බෝල ටික බිත්තර සාරු වල දමා (දෙවතාවක් පාන් කුඩු දවටා ගන්න) පාන් කුඩු තවරා ගෙන ගැඹුරු තෙලේ රන්වන් පැහැවන තෙක් බැදගන්න.

 📍ඔයා මස් මාළු නොකන කෙනෙක් නම් මස් අයින් කරලා කට්ලට් මිශ්‍රණය හදාගෙන බිත්තර සාරු වෙනුවට කෝන් පිටි සහ පාන් පිටි වලින් සාදා ගත් උකු මිශ්‍රණයක ගිල්වා පාන් කුඩු දවටා ගන්න.

 Ridmi Perera ❤️

මෙ  පුවත තවත් කෙනෙක්ට බලන්න Share කරන්න

210 දකුණේ දෙල් බත සාදාගන්නා ආකාරය

දකුණේ විතරක් හදන "දකුණේ දෙල් බත

දෙල්බත සැකසීම

දෙල්බත සඳහා අවශ්‍ය ද්‍රව්‍ය

සම්බා හාල් ග්‍රෑම් 250ක්

තරමක දෙල් ගෙඩියක්

රතු ලූණු ගෙඩි 5ක්

අමු මිරිස් කරල් 2ක්

රම්පේ කොළ කැබැල්ලක්

කරපිංචා කොළ කිහිපයක්

කුරුඳු කැබැල්ලක්

ගම්මිරිස් කුඩු තේ හැඳි 1/2ක්

තුනපහ තේ හැඳි 1/2ක්

මිරිස් කුඩු තේ හැන්දක්

කහ තේ හැඳි 1/2ක්

මිටි කිරි කෝප්පයක්

දෙහි යුෂ

ලුණු

සකසා ගන්නා ආකාරය

දෙල් ගෙඩිය පොතු හැර හතරට පළා මැද ඇති නාරටිය වැනි කොටසත් ඉවත් කරගන්න. ඉන්පසු සෝදා කුඩා හතරැස් කැබලිවලට කපා ගන්න. කපාගත් කැබලි නැවත සෝදා ගෙන කහ කුඩු සහ දෙහි යුෂ එක්කර හොඳින් අතගාගෙන පසෙකින් තබන්න.

රතු ලූනු සහ අමු මිරිස් කපා පසෙකින් තබා ගන්න.

සම්බා සහල් සෝදා මැටි මුට්ටියකට දමන්න. එයටම සූදානම් කරගත් දෙල් කැබලිද එක්කරගන්න. බත් සහ දෙල් ඉදීමට අවශ්‍ය පමණ වතුර එක්කර ලිපේ තබා ගන්න. බත් සහ දෙල් තැම්බෙන විට එයට කරපිංචා, රම්පේ, කුරුඳු කැබැල්ල සහ කහ එක්කර පොල්කටු හැන්දකින් කලවම්කර වසා වතුර හිඳෙනතුරු පිස ගන්න.

වතුර හිඳුණු පසු එයට පොල් කිරි, ගම්මිරිස් කුඩු, මිරිස් කුඩු, තුනපහ කුඩු, ලුණු, කපාගත් ලූනු සහ අමු මිරිස් ද එක්කරන්න.(සැර අවශ්‍ය ආකාරයට ගම්මිරිස් එක්කර ගත හැක ) දෙල් කැබලි කැඩී නොයන සේ ප්‍රවේශමෙන් හැඳිගාමින් කලවම් කරන්න. පොල්කිරි ටික හිඳෙනතුරු ඉදවා ගෙන ලිපෙන් බාගන්න.

උණු උණු දෙල් බත් මාළු ඇඹුල් තියල් කරියක් සමග රස බැලිය හැක.

වෑංජනයක් නොමැතිව වුවද දෙල් බත් පමණක්ම කෑමට ගැනීමටත් හැකිය

ශ්‍රී ලංකාවේ සාමාන්‍යයෙන් දෙල් ආහාරයට ගනු ලබන්නේ වෑංජන ලෙස හෝ තම්බා ගෙනය. සාමාන්‍යයෙන් දෙල් මාළුව සැකසීමේදී බතක් වෙනම පිස ගැනීම සිදුවන අතර එයට වැඩි කාලයක්, අමුද්‍රව්‍ය ප්‍රමාණයක් මෙන්ම ඉන්ධන ප්‍රමාණයක් ද වැය වේ. නමුත් දකුණේ ජනතාව මේ කරුණු සියල්ලම සැලකිල්ලට ගෙන නිර්මාණය කරන ලද ආහාරයක් ලෙස දෙල් බත හඳුන්වාදිය හැක. දෙල් බත ඉතා සුවඳකින් යුක්ත වන අතර, රස පිළිබඳව අමුතුවෙන් කිව යුතු නොවේ. ‘බඩ පැලෙන්නට’ කන්න පුළුවන් කෑමක් ලෙසත් දෙල් බත දකුණේ ජනප්‍රියය.

උපුටා ගැනීම අන්තර්ජාලය ...

මෙ  පුවත තවත් කෙනෙක්ට බලන්න Share කරන්න

209. වසවිස නැති ටිපි ටිප් නිවසේදී සාදාගන්නා ආකාරය

ටිපි ටිප් හදමු. 

අවශ්‍ය දේවල් -

* තම්බා පොඩි කර ගත් අල කෝප්ප 1 ( අල ගෙඩි 3ක් පමණ)

* පාන් පිටි මේස හැදි 4 

* කිරි කෝප්ප 1/2 ( fresh milk හෝ පිටි කිරි)

* ඊස්ට් තේ හැදි 1 1/2

* කෝන් පිටි තේ හැදි 2 

* කහ 

* ලුණු තේ හැදි 1/2 

* චීස් මේස හැදි 1

* පයිපින් බෑග් එකක් 

සදා ගන්නා ආකාරය -

තම්බා ගත් අල ටික ඉතාම හොදින් පොඩි කර ගන්න (කෑලි නොසිටිනා සේ ) ඉන්පසුව cheese ස්පෙඩ් ටික එකතු කර ගන්න ( අපිට සාමාන්‍ය චීස් වුනත් එකතු කර ගන්න පුළුවන් ) 

ඒ වගේම කහ කුඩු ටික , ඊස්ට් ටික , කෝන් පිටි ටික එකතු කර ගන්න. අපේ රස පදමට ලුණු එකතු කර ගන්න. ඉන් පසුව කිරි ටික ටික එක්කර අනා ගන්න. අනා ගත්ත අල මිශ්‍රණය පිපෙන්නට විනාඩි 30ක් පමණ තබා ගන්න. 

පිපෙන්නට තිබූ අල මිශ්‍රණය පයිපින් බෑග් එක ඇතුලට දමන්න ( අවශ්‍යනම් නම් Nozzle එකක් පාවිච්චි කරන්න ) රත් වූ තෙල් තාච්චියට සාදා ගත් මිශ්‍රණය පයිප් කරන ගමන් කතුරකින් කපා ගන්න ( පොඩි ප්‍රමාණ බෝල ) ඉන්පසු රන් වන් පාට වන තෙක් බැද ගන්න.

මෙ  පුවත තවත් කෙනෙක්ට බලන්න Share කරන්න

206.හාල්මැස්සන් බයිට් සාදාගන්නා ආකාරය

හාල්මැස්සන් බයිට් 

හාල්මැස්සො බයිට් හදමු 

අවශ්‍ය ද්‍රව්‍ය :-

අමු හාල්මැස්සන් ග්‍රෑම් 100

මිරිස්කුඩු තේහැඳි 1

ලුණු හා ගම්මිරිස්කුඩු

කඩලපිටි කෝප්ප 1/2

කෝන්ෆ්ලා කෝප්ප 1/4

කහකුඩු තේහැඳි 1/2

බැඳීමට තෙල්

සාදන ක්‍රමය:- 

හාල්මැස්සො ටික සෝදලා වතුර අයින් කරගන්න.

කඩලපිටි වලට කෝන්ෆ්ලා, මිරිස්කුඩු, කහකුඩු, ලුණු හා ගම්මිරිස්කුඩු දාලා කලවම් කරගන්න.

දැන් මේකට වතුර ටික ටික දාලා උකු බැටර් එකක් හදාගන්න.

හාල්මැස්සො එකින් එක බැටර් එකේ දාලා රත්වුණු තෙලට දාලා රන්වන්පාට වෙනකල් බැදගන්න.

Sprats bites:

Ingredients:

Sprats 100g

1 tea spoon of chili powder

Salt and peoper

1/2cups of chickpea flour

1/4 cups of corn flour

1/2 tea spoon of turmeric powder

Oil for frying

Wash and keep the sprats aside to dry. Mix chickpea flour with cornflour, chili powder, turmeric powder, salt and pepper. And the add water to it gradually an mix until you get a thick batter. Coat the dried sprats from the batter and deep fry in the heated oil until it gets golden brown.

Garlic and Ginger

මෙ  පුවත තවත් කෙනෙක්ට බලන්න Share කරන්න

204. කොළ වණ්ඩු සාදාගන්නා ආකාරය

😍 Breakfast එකට රසවත් කොළ වණ්ඩු 💚

             •••••••••••••••••••••••••••••••••

මෙන්න රෙසිපිය 📖️✍︎ 

💁 අවශ්‍ය ද්‍රව්‍ය - 

                  👉 අමු හාල් පිටි හුණ්ඩු 2ක්

                  👉 පාන් පිටි හුණ්ඩු 1ක්

                  👉 සීනි මේස හැදි 4ක් 

                  👉 රා හෝ පොල් වතුර හෝ ඊස්ට් ටිකක් 

                  👉 එනසාල් ටිකක් 

                  👉 පැණි පොල් 

                  👉 ලුණු චුට්ටක් 

                  👉 උකු පොල් කිරි ටිකක්

💁 සාදන ක්‍රමය - 

☞︎︎︎ මුලින්ම පැණිපොල් එක හදාගන්න.හකුරු හෝ සීනි එහෙම නැතිනම් පැණි එකතු කරලා හදාගන්න.

☞︎︎︎ පැණි පොල් ගොඩාක් එකතු කරන්නෙත් නෑ.මිශ්‍රණය අනූව සාමාන්‍යය ප්‍රමාණයක් ගන්න.උදේට හදනවනම් පැණි පොල් එක කලින් දවසෙ රෑ හදලා තියාගත්තම පහසුයි.

☞︎︎︎ ඊළඟට පිටි සියල්ලම ඉඩ තියන භාජනයකට දාගන්න. ඊටපස්සෙ ලුණු ටිකක් සීනි හැඳි 2 සහ ඊස්ට් දාලා කලවම් කරන්න.

☞︎︎︎ පස්සේ මේ සියල්ල පොල් වතුරන් අත් ගහ ගන්න..පසුව පියනකින් වසා පිපෙන්න තියන්න..

(මම නම් උදේ ට වණ්ඩු තම්බනවා නම් රෑ 7ට 8ට විතර මේ මිශ්‍රණය හදලා තියනවා..)

☞︎︎︎ දැන් උදේ බලපුවාම හොදින් පිපිලා තියෙන පිටි මිශ්‍රණයට පැණි පොල්, තව සීනි ටිකක්, රස අනුව ලුණු දමා උකු පොල් කිරෙන් අනා ගන්න. (ගොඩක් දියාරු නොවන පරිදි..)

☞︎︎︎ දැන් කැන්ද කොළ අරගෙන මිශ්‍රණයෙන් ටික ටික වක් කරලා හුමාලයෙන් තම්බා ගන්න.

☞︎︎︎ වතුර ලිප තබා එය ඉතුරු පසු වණ්ඩු තම්බා ගන්න. නැත්තම් වණ්ඩුව හොදට පිපිලා එ⁣න්නේ නෑ..

☞︎︎︎ වණ්ඩු ටික හොදින් තැම්බී ඇද්දැයි බැලිමට ඉරටුවකින් ඇන බැලිය හැක.තෙත ඇලෙන ගතියක් නැතිනම් වණ්ඩුව හොදින් තැම්බී ඇත..

☞︎︎︎ ඔයාලත් මේ රස ම රස කොළ වණ්ඩු හදලා බලන්නකෝ..😍😋❤️ උදෑසන ආහාරයට සහ හවස tea time එකටත් කියාපූ කෑමක්.. 

මෙ  පුවත තවත් කෙනෙක්ට බලන්න Share කරන්න

194. අලුත් අවුරුද්දට අලුවා සාදාගන්නා ආකාරය

අලුත් අවුරුද්දට අලුවා

 අවශ්‍ය ද්‍රව්‍ය : 

හාල් පිටි කෝප්ප 02 

සීනි කෝප්ප 02 

කුඩු කරගත් එනසාල් ඇට කීපයක් (04-05)

 කජු අවශ්‍ය 50g 

වතුර කෝප්ප 01 

 පලමුවෙන් ම සීනි ටික භාජනයකට දාලා වතුර කොප්පය එකතු කරලා මද ගින්දරේ උනු කරන්න .විනාඩි 08ක පමන පසු එනසාල් ටික එකතු කරන්න .මේ සීනි ටික නූල් ඇදෙන පදමට එන වෙලාවෙදි ලිපෙන් අයින් කරන්න .අයින් කරලා සීනි එක නිවෙන්න තියන්න. හාල් පිටි ටික බැද ගන්න .ගොඩක් වෙලා බදින්න එපා.හාල් පිටි බැදෙන සුවද එන වෙලාවට බදින එක නතර කරන්න.හාල් පිටි ටික නිවුන පසුව කජු එකතු කරන්න . මේ වෙලාවෙදි අලුවා කපන ලෑල්ලට බැදගත් පිටි ටිකක් ඉහලා අරන් තියන්න.මේ වෙලාවෙදි ම තවත් බැදගත් පිටි තේහැදි 02 වෙනම අරන් තියන්න. මේ වෙලාව වෙනකොට සීනි එක ඇගිල්ල දාන්න පුලුවන් පදමට නිවිලා තියෙන්න ඕනේ. දැන් ඔයාලා මේ සීනි මිශ්‍රණයෙන් ටික ටික බැදගත් පිටි එකතු කරන්න.එක පාර ගොඩක් එකතු කරන්න එපා.සීනි ටික ටික දාන ගමන් හොදින් අනන්න.මේ මිශ්‍රණය අතෙන් ගුලියක් වගේ වෙන පදමට හදා ගන්න .ගොඩක් වියලි නොවන ගොඩක් දියාරු නොවන පදමට එනකොට කලින් ලෑස්ති කරගත ලෑල්ලට දාලා පැතලි කරන්න .දැන් කලින් අරන් තිබුන හාල්පිටි ටික උඩින් ඉහින්න. දැන් ඔයලා කැමති හැඩයකට කපා ගන්න .

මෙ  පුවත තවත් කෙනෙක්ට බලන්න Share කරන්න

193. තැම්බුම් හොද්ද හදාගන්නේ මෙහෙමයි

තැම්බුම් හොද්ද හදාගන්නේ මෙහෙමයි..!

අවශ්‍ය ද්‍රව්‍ය

    ●කොත්තමල්ලි

    ●සූදුරු

    ●ගම්මිරිස්

    ●කරාබු නැටි

    ●ඉඟුරු

    ●සුදු ළූණු

    ●රතු ළූණු

    ●සියඹලා

    ●රම්පේ

    ●කරපිංචා

    ●කුරුඳු

    ●අවශ්‍ය නම් අමු මිරිස් කරලක් 

    ●කහ ස්වල්පයක්

    ●ලුනු 

සාදන ක්‍රමය 

ඉහත ද්‍රව්‍ය සියල්ල අවශ්‍ය පමණට ගෙන මදක් තලා පොඩි කර අවශ්‍ය ප්‍රමාණයට වතුර දමා හොඳින් තම්බා පානය කරන්ට.

(උපුටාගැනීමකි)

මෙ  පුවත තවත් කෙනෙක්ට බලන්න Share කරන්න

191. සාම්ප්‍රදායෙන් ඔබ්බට ගිය බිරියානී එකක් සාදාගන්නා ආකාරය

සාම්ප්‍රදායෙන් ඔබ්බට ගිය බිරියානී එකක් 

බ්ස්මාති හාල් 1kg 

කුකුල් මස් 750g 

වම්බටු 150g 

කැරට් 150g 

අල 150g 

රට ලූනූ 150g 

කජූ ටිකක් (කැමැත්ත පරිදි ) 

ඉගුරු/සුදු ලූණූ තලා ගන්න 

 තම්බා ගත් බිත්තර 08 

 යෝගට් 01

 බිරියානි මසාල පවුඩර් මේස හැදි 2ක හමාරක් 

ගී/බටර් හෝ කැමති තෙල් වර්ගයකින් මේස හැදි 2 ක්

 සාදන ආකාරය... 

මුලින්ම කුකුල් මස් ටික හොදට හෝදලා ඒකට මිරිස් කුඩු ටිකක්, කහ කුඩු ටිකක්,තලාගත්ත කරදමුංගු කරාබු නැටි ටිකක්, ගම්මිරිස් කුඩු චුට්ටක් බුරියානි මසාල මේස හැදි දෙක හමාරක් යෝගට් එක ‍රස අනුව ලුනු දාලා හොදට අතගාලා පදම් වෙන්න පැය භාගයක් විනාඩි 45ක් කාලයක් තියන්න.( පදම් වෙනවා කියන්නෙ ලුනුඇබුල් උරාගන්න ) කැරට්,අල ,වම්බටු, රට ලුනූ සාමාන්‍ය පොඩි කෑලි කපන් ගැබුරු තෙලේ බැදගන්න... ඒ ටික බැදගෙන ඉවර වෙලා කජු ටිකත්,තම්බාගත් බිත්තර ටිකත් බැදගන්න...( කජු හැර අනිත් ටික බැදගන්න කලින් කහ ස්වල්පයක් දාලා අතගාන්න.) බාස්මති හාල් ටික හොදට හෝදලා විනාඩි 15ක් විතර වතුරේ පෙගෙන්න හරින්න... භාජනයක් ලිපේ තියලා ගී, බටර්,වෙජිටබල් ඔයිල් හෝ තමන් කැමති ඕනෑම තෙල් වර්ගයක් අවශය ප්‍රමානයට දාලා රත් වෙන්න හරින්න.තෙල් ටික හොදට රත් උනාම තලාගත් ඉගුරු සුදු ලූනූ ටික දලා රන්වන් පාට වෙන්න බැදීගෙන එනකොට පදම් වෙන්න අයින් කරපු චිකන් ටික දාලා වහන්න.විනාඩි 10ක් විතර චිකන් ටික තෙලෙන් තැම්බෙන්න තියන්න... විනාඩි 10කට පස්සේ ඒකට වතුර දාන්න.. ( බත තැම්බෙන්න අවශය පරිදි වතුර දාන්න) වතුර එකෙන් චිකන් ටික තැම්බෙන්න දෙන්න පැය භාගයක් වගේ... චිකන් එක තැම්බුනාට පස්සේ චිකන් කෑලි ටික අයින් කරගන්න.... සෝදල පෙගෙන්න තියලා අයින් කරපු හාල් ටික චිකන් එක අයින් කරපු වතුර එකට දාගන්න.බත බෙරි නොවෙන්න උයා ගන්න... අයින් කරගත්ත චිකන් කෑලි ටික ගැබුරු තෙලේ බැදගන්න.. බත හොදට ඉදුනට පස්සේ වෙන භාජනයක් අරන් ඒකේ අඩියට බත් තට්ටුවක් දාන්න... ඊට උඩින් බැදගත්‍ත කජු ලූනූ අල කැරට් වම්බටු ලේයර් එකක් දාගන්න... මේ විදියට ආයේ බත් තට්ටුවක් බැදපු කජු කැරට් වම්බටු තට්ටුවක් විදියට ලේයර් කරගන්න.. අන්තිමට බැදපු චිකන් ටික උඩින් ම තියලා දෙහි පෙති කීපයක් මාලු මිරිස් කැබලි කිපයක් අතුරලා බිත්තර ටිකත් තියාගන්න. ඒ භාජනය වහලා අඩු ගින්දරේ විනාඩි 15ක් තියාගෙන කෑමට ගන්න.....

මෙ  පුවත තවත් කෙනෙක්ට බලන්න Share කරන්න

190. කුකුල්මස් ස්ටූ සාදාගන්නා ආකාරය

කුකුල්මස් ස්ටූ සාදාගන්නා ආකාරය 

කුකුල් 1kg 

ලොකු ළූණූ ගෙඩි 5 

අමුමිරිස් කරල් 6 (මැදින් ඉරකින් වෙන් නොවන්න කපාගන්න ) 

කරපිංචා 

කුරුදුපොතු කෑල්ලක් 

 තලාගත් සුදුලූණූ බික් 20 

ගම්මිරිස් කුඩු මේස හැදි 3

 විනාකිරි මේස හැදි 2, 

අබ තේ හැදි 2 මේ දෙක එකට අඹරාගන්න.

 ( මන් ගත්තේ සුදු මිදි විනාකිරි ) 

සියඹලා ඇට 10ක් 

කහ,ලුනු එනසාල් 

සාදාගන්නා ආකාරය 

 කුකුල්මස් හොදින් සෝදා කහ ,ලුනු ,ගම්මිරිස් මේස හැදි 3 ,සියඹලා සහ වතුර දමා පැයක් තම්බගන්න වතුර හිදිලා ඉස්ම ගතිය එනකන්. ලූණූ රවුමට කපාගන්න .භාජනයකට තෙල් ටිකක් දමා රත් වූ පසු පලමුව තලාගත් සුදුලූණූ දමා බැදගන්න ,ඉන්පසු එයටම රවුමට කපාගත් ලූණූ දමා යන්තමින් බැදෙන විට ගම්මිරිස් මේස හැදි 1 කුරුදුපොතු කෑල්ලක් දමා කලවම් කරගෙන කුකුල්මස් ටික ඉස්ම එක්කම දමාගෙන කලවම් කර අමුමිරිස්, කරපිංචා, එනසාල් ,විනාකිරෙන් අඹරපු අබ එකතුකර රස අනුව ලුනු ස්වල්පයක් දමන්න.හරිම ලෙහෙසි හරිම රසයි .

මෙ  පුවත තවත් කෙනෙක්ට බලන්න Share කරන්න

189. දේශීය ආහාර සංස්කෘතිය මියදෙන්නට පෙර

ශ්‍රී ලාංකිකයින්  වශයෙන් අපි දැන් සියල්ලන්ට ම වඩා මායාවන්ට නැඹුරු වූ ජනතාවක් යැයි සිතේ. බොහෝ අයගේ හද  මෙන්ම මනස ද විකලාංග වී ඇති සැටියකි.

මේ හේතුවෙන් ලාංකීය සමාජයේ භෞතික අභෞතික සියලු ම සාධක වලින් සමන්විත ආවේනික සංස්කෘතික සාධක මියැදෙමින් තිබේ. සංස්කෘතික කම්පනය හෙවත් තම සංස්කෘතියෙහි පවතින උසස් සාධක වෙනත් සංස්කෘතීන්ගේ ආක්‍රමණයන් නිසා බිඳවැටීම ගැන බහුතර පිරිස් ගණනකට ගන්නේ නැත. දේශීය ආහාර සංස්කෘතියට ද අත්වී ඇත්තේ එම ඉරණමයි.


බහුතරයකට නොතේරෙන ගොලීයකරණය, ඒ ඔස්සේ ගොඩනැගුණු ව්‍යාපාරික ආධිපත්‍ය, නව වෙළඳපොළ ව්‍යාප්තිය, මේ සියල්ලට ඉනිමං තනන ජනමාධ්‍ය හා නවමාධ්‍ය ක්‍රියාවලිය ආදී බොහෝ සාධක ලාංකේය ජනතාවගේ ආකල්ප වෙනස් කර හමාරය. තම රටේ සිට බටහිර සාධක අනුගමනය කරන්නේ එම හේතුවෙනි. මුළු ලෝකය තුළ ම එකම ආකාරයේ සංස්කෘතියක් ගොඩනැගීම ගෝලීයකරණයේ පරමාර්ථයයි. එලෙස දැනට ගොඩනැගෙමින් පවතින ඒකීය සංස්කෘතිය බටහිරවාදී සංස්කෘතියක් බව කවුරුත් සිතන්නේ නැත. එසේනම් මෙය බටහිර රටවල උපක්‍රමයකි. ඔවුන්ගේ භාණ්ඩ හා සේවා දේශ සීමා ඉක්මවා නිදහසේ ගලා යන්නට  සලස්වා, ඉන් අනතුරුව ඒවාට මාධ්‍ය හරහා ප්‍රචාරය ලබා ගනී. ඒවායෙහි පවතින පහසුව, සුඛනම්‍ය බව කරණකොට ජනතාව විසින් මහත් අභිරුචියන් එම භාණ්ඩ හා සේවා පරිහරණය කරයි. එයින් සිදුවන්නේ බටහිර රටවල බහුජාතික සමාගම් පෝෂණය වීම බව නොකිය මනාය‍. අතීතයේදී පිටරටට ණය නොවූ අප, අද ණය බරින් මිරිකී සිටී. උපක්‍රමශීලීව අප රටෙහි ව්‍යාප්ත වූ විදේශීය සාධක වැලඳ ගැනීමත් ඒවා පරිහරණයට සියළු සේසත විය පැහැදම් කිරීමත් මීට ප්‍රධානතම හේතුව වී තිබේ. දේශීය දේ පාගා නොදන්නා දේ පිටුපස හඹා යාමට තරම් අප රට ජනයා මහා මායාවකට නැඹුරු වී ඇතැයි සඳහන් කරන්නේ එහෙයිනි. විශේෂයෙන්ම ලාංකේය සංස්කෘතිය බිඳීම වැඩිහිටි හා බාල පරපුර අතර අරගලයක් බවට පත්ව තිබේ. බාල පරපුර විසින් ගෙනයන විරෝධී සංස්කෘතික රටාවන් නිසා වැඩිහිටි පරපුර දේශීය සංස්කෘතිය වියැකී යාම නිසා කම්පනයට පත්ව සිටී. එහෙත් දැන් දැන් වැඩිහිටි පරපුරද නව සංස්කෘතික ප්‍රවාහයට සිය සිත යොමුකර ඇති බව පෙනේ. එය ගෝලීයකරණ පරමාර්ථ කඩිනමින් මුදුන් පමුනුවා ගැනීමට පහසුකම් සැපයීමක් වැනිය.


දේශීය ආහාර සංස්කෘතියට අත්ව ඇති ඉරණම, දේශීය සංස්කෘතිය විතැන් වීම පිළිබඳ ප්‍රබල සාක්ෂීයකි. එදා ගම, ගම ගෙදර අද අරුමයක් වී තිබේ. දේශීය ආහාර යන සාධකය අභිමුව දේශීය සංස්කෘතිය මතුවූවා පමණක් නොවේ. සෞඛ්‍ය සම්පන්න දිවි පෙවෙත හා බැඳෙන ප්‍රධාන සාධකයක් ලෙස ද දේශීය ආහාර සංස්කෘතිය පෙරමුණ් සිටී. බුදු වදනට අනුව නීරෝගීකම පරම ලාභයයි, එසේ නීරෝගී වීමට නම් “ සිය රට දේ - සිරි සැප දේ” යන තේමාවෙන් කටයුතු කළ යුතුය. දේශීය ආහාර යනු සම්මතයෙන්ම ඖෂධ ය. පැහැදිලි බසින් කියන්නේ නම් මෙරට ආවේණික ආහාර පරිභෝජනය ඖෂධ පරිභෝජනය  කිරීමක් වැන්න. එවිට පරම ලාභය වන නීරෝගී කම සුරක්ෂා වන්නේ ය.


නවීකරණය වීම අත්‍යවශ්‍ය ය. එහෙත් එය පවතින සමාජයට ආවේණික ක්‍රම පද්ධතියක් ඔස්සේ සිදුකල යුතු වේ. නැතිනම් ආගන්තුක නොවන, සරල, දිවියට සමීප, මුදල් වියදම් නොවන අතිශය හිතකාමී සංස්කෘතික සාධක පවා යටපත් වීම වැලැක්විය නොහැකියි. සියලු ම බටහිර සාධක වැළඳ ගැනීම වැළැක්විය නොහැකියි. 


සියලු ම බටහිර සාධක වැළඳ ගැනීම යනු නවීකරණය නොවේ. රට ක අනන්‍යතාවය රකින සංස්කෘතික බැම්මට හානි නොවන පරිදි ඒ හැම දේම ගලපා ගැනීමයි, නිසි නවීකරණය ලෙස සලකන්නේ.


දේශීය ආහාර සංස්කෘතිය තුළ නිවසට අවශ්‍ය ආහාර ද්‍රව්‍ය වලින් බහුතර ප්‍රමාණයක් ගෙවත්තෙන්, හේනෙන් සපයා ගන්නා ලදි. සැබැවින්ම එය ස්වයංපෝෂීත බව කියා පෑමකි. කෙටියෙන්ම කියතහොත් ලාංකිකයන් වවාගෙන කන්නට පුරුදු වී සිටි පිරිසකි. ගම ආසන්නයේ හේනෙහි කුරක්කන්, කවුපි, මුං වැනි ධාන්‍ය වර්ග, පළා වර්ග, වට්ටක්කා, පුහුල්, ලබු, මඤ්‍‍‍‍‍ෙඤාක්කා බතල ආදිය වැවීය. නිවස අසළ හිඟුරාල, රටල, බතල, කිරිඅල, කුකුළල ආදී අල වර්ග වවාගෙන සිටියහ. තවත් පසෙක කෙසෙල් පඳුරු කිහිපයක්, කහ, ඉඟුරු හා තවත් බෙහෙත් පැළෑටි වර්ග ද වවාගෙන තිබුණි. කුඹුරෙන් වී ටික ලැබුණු අතර කුඹුර අසල දෙනිකඩෙහි නිවෙසට අවශ්‍ය එළවළු වැවීය. පොල්පලා, ඉරමුසු, එලබටු, ඉරිවේරිය, කෝමාරිකා‍ හාතාවාරිය, වැල්පෙනෙළ ආදී දෑ හේනේ පිටියෙන්, නිවෙස අසළ ගෙවත්තෙන් සපයා ගැනීමට හැකිවිය. මේවා ප්‍රයෝජනයට ලබා ගන්නේ විටෙක ආහාර ලෙසයි, විටෙක බෙහෙත් ඖෂධ ලෙසයි. ශ්‍රී ලාංකේය සංස්කෘතියේ බොහෝ ආහාර ඖෂධ යැයි මීට පෙර සඳහන් කළේ එහෙයිනි. 


ආහාර සුරක්ෂීතතාවය පිළිබඳ ව අවධානය යොමු කිරීමේදී ඒ සඳහා අද මෙන් නවීන ක්‍රම නොතිබූ නමුත් කිසිදු අතුරු ආබාධ ඇති නොවන, විවිධ රසායනික භාවිතයන් නොමැති සෞඛ්‍ය සම්පන්න ආහාර සුරක්ෂීතතාවක් සිදුකර තිබේ. කෘමි නාශක, වල් නාශක ඉස වැවූ ආහාර නොතිබූ අතරම එම ආහාර සුරක්ෂීත කිරීමට ද එබඳු ක්‍රම අනුගමනය නොකලේය. බිස්ස, අටුව, දුම ආදී නිර්මාණයන් ආහාර සුරක්ෂීත කිරීමට යොදාගන්නා ලදි. ගෙදර වී බිස්ස නිතරම වී වලින් පිරී තිබුණී. දුම හා අටුව කජු, දෙල්, , අටු කොස් හා, කොට්ට පොල් ආදියෙන් සමන්විත විය. කුස්සිය මුල්ලේ කොස් ඇට මුල්ලකි. අවුවේ වියළා එළවළු කල් තබා ගන්නේ ය. වැව් මාළු, මස් ලිපට උඩින් ඇති දුමේ දමා වේලාගෙන කල්තබා ගැනීමේ සම්ප්‍රදායක් පැවතිනි.


කුරක්කන් රොටියක්, කුරක්කන් පිට්ටුවක්, කුරක්කන් තලපයක් නොමැති ගෙදරක් නොවී ය. සෑම දිනකම ගත්තේ සමබර ආහාර වේළකි. දිනෙන් දිනට වෙනස් මැල්ලුමක් බතට එකතු විය. කුමන හෝ වර්ගයක කැඳක් සෑදිණි. නීරමුල්ලිය, පොල්පළා, රණවරා ඉරමුසු ආදිය තේ වෙනුවට යොදා ගත්හ.


මෙකී ක්‍රමවේද තුල සමබර ආහාර වේළක් භුක්ති විඳීමත්, දිනෙන් දින වෙනත් ආහාර ලබා ගැනීමත්, වෙහෙස වී වැඩකරන නිසා සහ ගන්නා ආහාර ශරීරයට අහිතකර නොවන නිසාත්, පෙර ශ්‍රී ලංකාවේ නිරෝගී ජන පරපුරක් වාසය කළේය‍. මුදල් සෙවීමට කිසිදු තරගයක් නොතිබූ නිසාත් ගැටුම් ද ඇති නොවීය. තම අවශ්‍යතා සපුරාගෙන සමඟියෙන් සමාදානයෙන් දිවි ගතකර තිබේ.



අද දවසේ පරි‍භෝජනයට නොව වෙළදාම සඳහා සියල්ල සිදුකරන අතරවාරයේ ආහාර නිෂ්පාදනය සිදුකරන්නේද විකිණීමටය. වවාගෙන කෑම නොව වවා විකිණීම සිදුකරයි. එවිට සෞඛ්‍ය සම්පන්න බව ගැන සිතන්නේ නැත‍. රසායනික පොහොර, කෘමිනාශක ආදිය ඉතා තදින් භාවිත කර මහා පරිමාණයේ විවිධ වගාවන් සිදුකරන අතර ඒවා පරිභෝජනය කරන්නන් ඉතා කෙටි කාලයකින් රෝගීන් බවට පත්වේ. එමෙන්ම ඒ සියල්ල කඩපලට විකුණා, කඩෙන් ගෙදරට  අවශ්‍ය සියළු දේ මුදල් දී රැගෙන එයි. ඒ ගෙන එන ආහාරවලින් වැඩි කොටසක් විවිධ රසකාරක, රසායනික සංයෝග සහිත කෘත්‍රීම උපක්‍රමයන් භාවිත කර සකසන ලද ආහාර වර්ගය. තම කුඹුරෙන් ලබාගත් වී වලින් සකසා ගත් සහලේ බත සහ ගලේ ඇඹරූ පොල් සම්බෝලයක බලයෙන් සුළු ප්‍රමාණයක් හෝ අප කඩපලෙන් අද මිලදී ගන්නා ආහාරවල අන්තර්ගත නොවේ. ඉවූ බතට “ Rice” යැයි ඉංග්‍රීසි පදය කීමටත්, ඒවා රසකර කෑමටත් පුරුදු වී සිටින සැටි කාටත් ආගන්තුකක නැත. නමුත් එයින් එනතුරු විපාක කිසිවිටෙක වර්තමාන පරපුර ගනණකට ගන්නේ නැත. පැය ගණනක් මඳ ගින්නේ පදම්කර බතට එක්කරගන්නා පොළොස් ඇඹුල ඉවතට යන්නේ, සම්ප්‍රදාය, අපේකම, පාරම්පරික දේශීය ඥාණය ආදිය කොන්දේසි විරහිතව ප්‍රහීන කර ඇති නිසයි. 


“ චූන් පාන් “ ළඟටම එද්දී කොතරම් පහසුවක් ද..? ආහාර සකසා ළඟටම ගෙන දෙන මුත් සැබැවින්ම ආහාර ඇතුළත සිටින්නේ මිනිසුන් රෝගී කරන මාරාන්තික රකුසෙකි. බටහිරින් පැමිණි තිරිඟු පිටි මහත් අභිරුචියෙන් දෛනිකව භාවිත කරන ලාංකේය ජනතාව කුරක්කන් සොයන්නේ වැඩ  වැරදුනු පසුවය. බෝ නොවන  රෝග බොහෝමයක ආරම්භය සටහන් වන්නේ අප එදිනෙදා ගන්නා ආහාර මඟිනි. එම ආහාර වවන මොහොතේ සිට ආහාරයට ගන්නා අවස්ථාව දක්වා විවිධ අහිතකර විෂ ද්‍රව්‍ය එකතු වේ. වැවීමට රසායනික, කල් තැබීමට රසායනික, පිසීමට රසකාරක ආදී වශයෙන් ගලපා බැලූ විට අපි ශරීර ගතකරගන්නේ පෙර මෙන් පිරිසිදු ආහාර, බෙහෙත් ඹෟෂධ බඳු ආහාර නොවේ. වස විෂ පමණි. රෝහල්වලට ඔරොත්තු නොදෙන තරමට ලෙඩුන් පිරීමට මුඛ්‍ය හේතුව මෙය වී තිබේ. වැළඳෙන ඇතැම් රෝග මොනවාදැයි හඳනා ගැනීමටත් අසීරුය. ඊට ප්‍රධානතම හේතුවක් ලෙස දේශීය සංස්කෘතිය හා බැඳි පිරිසිදු, පෝෂ්‍යදායී ආහාර පරිභෝජන රටාවක් නොතිබීමයි. අවසානයේ මුදල් සෙවීමට සිදුකල සියළු ප්‍රයත්න වලින් සපයාගත් මුදල් පමණක් නොව, තවත් ණය වී පවා ලෙඩ සුවකර ගැනීම සඳහා මුදල් වියදම් කිරීමට සිදුවේ. මන්දයත් බටහිරින් හඳුන්වා දී  ඇති බොහෝ ආහාර වර්ග ශරීරයට අහිතකර ක්ෂණික ආහාරවර්ග වන අතර ඒවායෙහි ආකර්ෂණීය රසයක් පවතී. ක්ෂණිකය, පහසුය, නමුත් ගුණ හීනය. මොහොතක රසය විශාල මුදලක් ලබා දී සපුරා ගැනීමේ ආදීනව මතුවන්නේ කලක් ගතවූ පසුවයි.



ජනමාධ්‍යයේ හා වෙළෙන්දන්ගේ මිතුරු සබඳතාවය හරහා විවිධ ආහාර පරි‍භෝජන රටාවලට පුරුදු වූ ශ්‍රී ලාංකික ජනයා සිදුකර ඇත්තේ තම දිවි පරදුවට තබා ජනමාධ්‍ය හා වෙළෙන්දන් පෝෂණය කිරීමකි. මෙම තත්ත්වය වර්තමාන පරපුර ඉතා කඩිනමින් තේරුම්ගත යුතුව තිබේ. නැතහොත් දේශීය සංස්කෘතිය හීනවනවා පමණක් නොව, මුළු ශ්‍රී ලංකාවම ලෙඩුන්ගෙන් පිරි රටක් බවට පත්වීම වැඩි ඈතක නොවේ. දැනටමත් බිළිඳු දරුවනට පවා දියවැඩියාව වැනි රෝග වැළදීමට පටන්ගෙන තිබේ. දැනට අනුගමනය කරන ආහාර රටා එලෙසම පැවතියහොත් එකී ඛේදනීය තත්ත්වයන් තව තවත් උග්‍ර වනු ඇත. 



සියළු ජනතාව ජනමාධ්‍යයේ ගැත්තන් වශයෙන් පසුවන සමයෙක ශ්‍රී ලාංකිකයන්ගේ ආකල්ප යහපත් අතට හැරවීම අසීරුය. බාල, තරුණ, වැඩිහිටි යන සියල්ලන්ගේම තත්ත්වය එබඳු බව අතිශය භයානක තත්ත්වයකි. නමුත් දැන් දැන් ක්‍රියාවට නංවන දේශීය වී වගා ව්‍යාප්තිය, දේශීය පලතුරු වැවීමේ පලතුරු ගම්මාන වැඩසටහන්, ගෙවතු වගා සංකල්පය, වල් නාෂක තහනම් කිරීම්, රසායනික පොහොර වෙනුවට කාබනික පොහොර භාවිතයට හුරු කිරීම්, ආදී ක්‍රමවේද පැසසුමට ලකකල යුතුය. එමෙන්ම ඒවා ක්‍රියාත්මක කරන පිරිස් මනා සංවර්ධනාත්මක සන්නිවේදනයක් හරහා ජනතාව වෙත මෙම ක්‍රම ක්‍රියාත්මක කිරීමේ අවශ්‍යතාවය දැන්විය යුතුය. නැතිනම් මුදලට සියල්ල කල නොහැකි බව දැනගන්නා විට ගොඩගත නොහැකි විනාශයක් මෙරට ජනතාවට අත්වීම වැළැක්විය නොහැකියි.

ෂෙල්ටන් බණ්ඩාර,

අනුරාධපුරය.

මෙ  පුවත තවත් කෙනෙක්ට බලන්න Share කරන්න

187. පොලොස් වලින් ලිංගුස් ( සොසෙජස් ) නිවසේදි සාදාගන්නා ආකාරය

. පොලොස් වලින් ලිංගුස් ( සොසෙජස් ) නිවසේදි සාදාගන්නා ආකාරය 

අවශ්‍ය දාව්‍ය

පොළොස් 250g

බිත්තර එකයි

කඩල පිටි 125g

ලොකු ලූණු ගෙඩියක්                

අමු මිරිස් කරල් 4ක්

සුදු ලූණු බික් 4

ඉගුරැ කෑල්ලක්

මිරිස් කුඩු මෙිස හැදි 1

තුනපහ කුඩු මෙිස හැදි 1

කෑලි මිරිස් මෙිස හැදි 1

කහ කුඩු තේ හැදි 1

ලුනු රස අනුව

⁣දෙහි ගෙඩික යුෂ

ගමමිරිස් කුඩු තේ හැදි 1.5

මාලු (කැමති මස් වර්ගයකින්) 100g

සාදන ක්‍රමය

පොළොස් ලුණු කහ ගොරකා යොදාගෙන තමිබා ගන්න..

තමිබා ගත් පොළොස් හොදින් පොඩි කර එයට බිත්තරය හැර අනෙකුත් සියලු දේවල් එකතු කර හොදින් කවලමි කරන්න.

බිත්තරය ගසා කෙන ටිකෙන් ටික ඒකට එකතු කර තරමක් ඝන මෝලියක් සදා ගන්න..

පොලිතින් එකකට පොඩි කොටසක් දමා පොෆියක් ආකාරයෙන් දෙකොනිනි තද කර ගන්න.

විනාඩි 20ක් steem කර ගන්න.. විගසින් අයිස් වතුර භාජනයකට බහා නිවා ගෙන අවශ්‍ය පරිදි කෑමට සකස් ගර ගන්න

මෙ  පුවත තවත් කෙනෙක්ට බලන්න Share කරන්න

172. කොරොනා වලට ගුණ සුදු ළූණු ව්‍යාන්ජනයක් සාදාගන්නා ආකාරය

කොරොනා වලට ගුණ සුදු ළූණු ව්‍යාන්ජනයක් සාදාගන්නා ආකාරය

අවශ්‍ය ද්‍රව්‍ය

සුදු ළූණු 500 g
මිටිකිරි කෝප්ප 1ක්
මිරිස් කුඩු මේස හැඳි 1/2ක්
තුනපහ කුඩු මේස හැඳි 1/4ක්
අමු මිරිස් කරල් 2ක්
උම්බලකඩ 5g
කහ ස්වල්පයක්
රම්පෙ කොළ භාගයක්
කරපිංචා කිණිති 2ක්
උළුහාල් ස්වල්පයක්


සාදන අන්දම

සුදුලූණු ඉස්සෙල්ලම පොතු සුද්ද කරලා හෝදලා දෙකට කපා ගන්න . දෙකට කපන්නේ නැතිව උයනවනම් තමයි මම කැමති . ඒත් කැමතිනම් කපාගන්න . ඊට පස්සේ කපාගත්ත අමු මිරිස් , උම්බලකඩ , රම්පෙ , කරපිංචා , මිරිස් කුඩු , තුනපහ කුඩු , කහ කුඩු , උළුහාල් , ලුණු , මිටිකිරි අර සුදු ළූණු ටිකත් එක්ක පිසින භාජනයේ එකතු කරලා හොඳට කලවම් කරගන්න . ඊට පස්සේ මද ගින්නේ පිසගන්න තමයි තියෙන්නේ . වැඩිය ගින්දර දාලා තම්බ ගන්න එපා . එහෙම උනොත් සුදු ළූණු වලින් වැඩක් වෙන්නේ නැහැ . ඒ නිසා තරමකට පිසගෙන කෑමට ගන්න . රම්පෙ දානකොට සමහර අය කොලේ විතරක් දාලා පස්සේ ව්‍යංජනයෙන් ඉවත් කරනවා . ඒත් කරන්න ඕන රම්පෙ කොලෙත් පොඩියට කපලා ව්‍යංජනයට දාන එක .

මීට අමතරව සුදු ළූණු පොත්ත පිටින් පුච්චලා මී පැණිත් එක්ක කන එකත් හොඳයි . තව සුදු ළූණු අමුවෙන් කන්නත් පුළුවන් .

එහෙනම් සුදු ළූණු උයලා කාලා බලන්න .

තවත් ලිපියකින් හමුවෙමු

ඔබ සැමට සමන් දෙවිඳුගේ පිහිට ලැබේවා !

167. තැඹිලි වයින් ගෙදරදි පහසුවෙන් සාදාගන්නා ආකාරය

පහසුවෙන් තැඹිලි වයින් හදමුද? 

රෙසිපි එකත් එක්කම මෙන්න

උත්සව කාලෙට ගෙදරට එන අමුත්තන්ට වයින් වීදුරුවකින් සංග්‍රහ කරන්න තිබුණනම් හොඳයි නේද? වයින් කිවුවම එක එක ජාතියෙ වයින් වර්ග තියෙනවා. ගොඩක් සැර ඒවා සැර අඩු ඒවා. ඒ අතරින් ස්වභාවික තැඹිලි වලින් වයින් එකක් ගෙදරදීම බොහොම පහසුවෙන් හදාගන්න ක්‍රමයක් තමයි මේ කියන්න යන්නේ. දැන් අපි බලමු කොහොමද මේ තැඹිලි වයින් එක හදාගන්නේ කියලා.

මේ තියෙන්නේ අවශ්‍ය ද්‍රව්‍ය..

ගෙඩි 4ක තැඹිලි වතුර,

 සිනි – 750g, 

කැරමල් -250g, 

ඊස්ට් තේ හැඳි 1 ක්,

 දෙහි යුෂ තේ හැඳි 1 ක්, 

කරදමුංගු කරල් 4 ක්, 

කුරුදු පොතු ස්වල්පයක්,

 කරාබු නැටි ස්වල්පයක්.

මේ තියෙන්නේ හදන හැටි..

මදක් උණුසුම් වතුර කෝප්ප 1/2 කට ඊස්ට් සහ සිනි ස්වල්පයක් දමා හොඳින් දියකර ගන්න. පසුව එයට තැඹිලි වතුර සහ සිනි එක්කර හොඳින් කවලම් කරගන්න. දෙහි යුෂ සහ කරදමුංගු, කරාබු නැටි, කුරුඳු පොතුද එයට එක්කර මේ මිශ්‍රණය විදුරු බඳුනකට දමා එම භාජනයේ කට රෙදි කැබැල්ලකින් වසා දින 10ක් පමණ තබන්න. 11 වන දිනයේ රෙදි කැබැල්ල ඉවත් කර එය වෙන භාජනයකට පෙරා එයට කැරමල් කරගත් සීනි එකතු කර ගෙන තවත් දින 3ක් වසා තබා පිළිගන්වන්න

මෙ  පුවත තවත් කෙනෙක්ට බලන්න Share කරන්න

159. අවන් එකක් නැතුව බනිස් සාදාගන්නා ආකාරය

අවන් එකක් නැතුව බනිස් හදමු *********************************

 මේක අවන් එකක් නැති අයට නම් සුබ ආරන්චියක් වේව් කියල හිතනවා. අද කියන්න යන්නෙ අවන් එකක් නැතුව කොහොමද බනිස් ගෙඩියක් හදාගෙන්නෙ කියලා. අහ් තව දෙයක් මේක හදන්න බිත්තර දාන්නෙත් නෑ. හරි ඔන්න අහෙනම් ඕන කරන දෙවල් ටික.

 අවශ්‍ය දේවල් - මුලින්ම මේ ටික ගන්න, 

පාන් පිටි කෝප්ප 2 

ඊස්ට් තේ හැදි 2 

සීනි මේස හැදි 3 

කිරි පිටි මේස හැදි 3 

බේකින් පවුඩර් මේස හැදි 1/4 

තෙල් කෝප්ප 1/4

 ඇල් මැරුනු කිරි කෝප්ප 1/4

 ලුණු ටිකක් 

තව අපිට ඕනෙ - දිය කරගත් බටර් ටිකක් (පිටි ගුලිය අනනකොට යොදා ගන්නේ නෑ. තැටියේ ඇතුලේ ගා ගන්නයි, 

අන්තිමට බනිස් උඩින් ගා ගන්නයි විතරයි යොදා ගන්නේ.)

 ලුණු කුඩු හෝ කැට (කැටනම් ගොඩක් හොදයි. මේ ලුණු ටික පිටි ගුලිය අනනකොට යොදා ගන්නේ නෑ. වලදට දාන්නයි පාවිච්චි කරන්නේ.) 

සාදාගන්නා ආකාරය - මුලින්ම වියලි ද්‍රව්‍ය සියල්ල එකතු කරන්න. සේරම හොදට කවලම් කරගන්න. ලුණු ටිකක් වෙන්න දාගන්න. ඊට පස්සෙ තෙල් ටික දාගන්න. කිරි ටිකක් වෙන්න දාගන්න. ඊට පස්සෙ අතින් හොදට අනන්න. අනන ගමන් කිරි ටික ටික දාගෙන අතේ නොඇලෙන පදමට ඩෝ එක (පිටි ගුලියක්) හදාගන්න. ඊට පස්සෙ තෙල් ටිකක් යාන්තමට ඩෝ එකේ ගාලා විනාඩි 6-8 වගේ හොදට අත් ගසාගන්න (හොදට අනාගන්න). පිටි එක හොදට අනන තරම තමයි බනිස් එක මෘදු වෙන්නෙ. හොදට අත් ගසාගත්නට පස්සෙ පැයක් විතර වහල තියන්න. පැයකට පස්සෙ ඩෝ එකෙන් 70g වගේ පොඩි කොටස් කඩාගෙන වෙන් කරගන්න. ඔන්න දැන් ගන්න රවුම් තැටියක් (අපිට රවුම් එක වලද ඇතුලට දගන්න ලේසියි ඒකයි. තව චුට්ටක් කියවන් යන්නකෝ. එතකොට තේරෙයි ඇයි මේ කියලා). ඒකෙ බටර් ටිකක් ගාගන්න. ඊට පස්සෙ අර වෙන් කරගත්තු කොටස් ටික බෝල කරගෙන බනිස් වගේ ලස්සනට හදාගෙන ඒකෙන් ටිකක් තැටියෙ ඇතුලේ පරතරේ ඇතිව තියාගන්න. පස්සෙ පැය බාගයක් වහල තියන්න. ඒත් පිපිලා මදී වගේ නම් තව විනාඩි 20 විතර වහල තියන්න (පිම්බිලා එනවා බනිස් ටික). ඊට පස්සෙ තමයි වැඩේ තියෙන්නෙ. අපිට ඕන වෙනවා ටිකක් කට ලොකු වලදක්! (රාස්පානක් ගන්න)[අපි කලින් බනිස් ටික තියාගත්ත තැටිය මේ වලද ඇතුලට බස්සන්න පුලුවන් වෙන්න ඕනෙ] වලදෙ අඩියට ලුණු කුඩු කෝප්ප 1/2 හොදට විහිදෙන විදිහට දාන්න. ඊට පස්සෙ ඒක උඩින් රැක් එකක් වගේ මොකක් හරි තියාගන්න (කරන විදිහ පහළ ෆොටෝ වල තියෙනවා). ඊට පස්සෙ වලද විනාඩි 10 මද ගින්නෙ පියනකින් වහල තියන්න. මේ වෙනකොට ඔයාලට පෙනේවි අපි කලින් පැත්තකට කරලා වහලා තිබ්බ බනිස් ටික හොදට පිපිල තියෙනවා. දැන් ඒ බනිස් උඩින් කිරි ටිකක් ගා ගන්න. ඊට පස්සෙ අර අපි ලුණු දාල වහපු වලද පරිස්සමට ඇරල අර බනිස් තැටිය රැක් උඩින් තියන්න. තියෙන ගින්දර ප්‍රමානෙම විනාඩි 5 වගේ වහා තියල ඊට පස්සෙ ගින්දර තව අඩු කරල ඒ විදිහටම තියල තියන්න තව විනාඩි 25 විතර. ඔන්න ඊට පස්සෙ ඇරල බලන්නකෝ මල් හතයි. ඊට පස්සෙ හෙමිහිට එලියට අරගෙන බනිස් ටික උඩින් බටර් ටිකක් ගාගන්න. එච්චරයි දැන් ඉතින් නිවුනට පස්සෙ කන්න තමයි තියෙන්නෙ.

මෙ  පුවත තවත් කෙනෙක්ට බලන්න Share කරන්න

157. රසම රස නාන් රොටී හදමු

රසම රස නාන් රොටී හදමු 

දැන් ඔයාලට මේ කියලා දෙන්න යන්නෙ ඉන්දියන් කෑමක් හදාගන්න විදිහ. නාන් හදාගන්න විදිහ! මීට කලිනුත් ඉවුම් පිහුම් ඇප් එකේ නාන් හදන විදිහ කියලා දීලා තියෙනවා තමයි. නමුත් ඒ ලිපිය ඇප් එක හදපු මුල් කාලේ දාපු එකක් නිසා ඒකෙ කරුණු මේ ලිපියේ තරම් විස්තර කරලා නෑ. නාන් ගැන කිව්වොත් නාන් ප්‍රධාන වශයෙන් ඉන්දියාවේ බහුලව කෑමට ගන්න, ඒ වගේම පකිස්ථානය, ඇෆ්ගනිස්ථානය සහ බංගලාදේශය වැනි ආසියානු රටවලත් කෑමට ගන්න ටිකක් ජනප්‍රිය ආහාරයක්. ඉතින් ඔයාලට මේ කියලා දෙන්න යන්නෙ නාන් ලේසියෙන්ම හදාගන්න පුලුවන් ක්‍රමයක්. බොහොම පහසුවෙන් හදාගන්න පුලුවන් මේ නාන් කුඩා දරුවන් ඇතුළු ඔබේ පවුලේ සියළු දෙනාට ආහාරයට ගන්න පුළුවන්. ඕනෑම ආකාරයක හොදි වර්ගයක් සමඟ යසට ගැලපෙන මේ නාන් රොටි, ඕනෑම මස් වර්ගයක, මුහුදු ආහාර වර්ගයක හෝ එළවළු වර්ගයක හොදි සමඟ ආහාරයට ගන්න පුළුවන්. දවල් ආහාරයෙන් ඉතිරි වූ හොදි ඇත්නම්, රාත්‍රී ආහාරයට නාන් පිළියෙල කරගෙන ඒ සමඟ ඉතා පහසුවෙන් රසවිඳින්න පුළුවන්. බලන්නකෝ එහෙනම් හදන්නේ කොහොමද කියලා. 

අවශ්‍ය දේවල්: (රොටී 6ක් හදන්න) 

*පාන් පිටි කප් 2 

*මුදවාපු කිරි හෝ යෝගට් කප් 1/2 

*මඳ උණුසුම් වතුර කප් 1/2

 *ඇක්ටිව් යීස්ට් පැකට් 1 (7g පමණ)

 *සීනි තේ හැඳි 1

 *ලුණු තේ හැඳි 1/2

 *තෙල් මේස හැඳි 1 (පොල් තෙල් හෝ එළවළු තෙල්)

 *නාන් පුළුස්සාගන්නා තැටියට තැවරීමට බටර් හෝ තෙල් ස්වල්පයක්. 

 සාදාගන්නා ආකාරය: 

Aමුලින්ම පිටි ටික අනාගමු (පැයකට කලින්), මුලින්ම කුඩා භාජනයකට සීනි දමා, එයට වතුර සහ යීස්ට් පැකට්ටුව දමන්න. ඊට පස්සෙ ඒ මිශ්‍රණය කලවම් කරලා පෙණ දමා යීස්ට් සක්‍රීය වන තෙක් විනාඩි 10ක් පැත්තකින් තිබෙන්න හරින්න. ඊට පස්සෙ තරමක් ලොකු භාජනයකට පිටි, ලුණු, තෙල් සහ යෝගට් දමාගන්න. දැන් සක්‍රීය වූ යීස්ට් මිශ්‍රණය ඒකට එකතු කරන්න ඕනෙ. ඊට පස්සෙ සුමුදු පිටි බෝලයක් ලැබෙන සේ විනාඩි කිහිපයක් හොඳින් මිශ්‍රණය අනාගන්න. දැන් අන්තිමට ප්ලාස්ටික් රැප් එකකින් හෝ තෙත රෙදි කඩකින් ආවරණය කර උණුසුම් ස්ථානයක පැයක් පමණ පිපෙන්න තබන්න. ඔන්න පිටි ටික හරි! දැන් එහෙනම් හදමු නාන් ටික, පැයක් ගියාට පස්සෙ, පිටි ස්වල්පයක් අතුරා ගත් මේසයක් මත පිටි බෝලය (ප්‍රමාණයෙන් වැඩිවී තිබිය යුතුයි) තබා එය දිගටි හැඩයකට සකසා ගන්න. ඊට පස්සෙ ඒක සමාන කොටස් 6 කට කඩාගන්න. ඊට පස්සෙ එම කොටස් කුඩා පිටි බෝල 6ක් වන සේ බෝල කරගන්න. දැන් ඒ බෝල එකිනෙක රෝලින් පින් එකක් භාවිතා කර රොටියක් වගේ තුනී කරගන්න ඕනෙ. හරි! දැන් බටර් හෝ තෙල් තැවරූ තැටියක් ලිපේ තියලා මධ්‍යම ප්‍රමාණයට රත් කරගන්න. දැන් කරන්න තියෙන්නෙ ඒ තැටියට නාන් රොටිය දාලා බුබුළු මතුවන තෙක් විනාඩි 2ක් පමණ එක් පැත්තක් පුළුස්සගෙන, ඊට පස්සෙ අනෙක් පැත්ත හරවලා තවත් විනාඩියක් පමණ හොඳින් පුළුස්සා ගන්න එක. මේ විදිහටම අනෙක් නාන් රොටි 5ත් පිළියෙල කරගන්න ඕනෙ. ඊට පස්සෙ හදාගත්ත නාන් රොටි මතට දියවුණු බටර් අතුරා, කොත්තමල්ලි කොළ වැනි යමක් උඩින් ඉස උණු උණුවේ ගෙදර අයට පිළිගන්වන්න ඔයාලට පුලුවන්. වැඩේ ඉවරයි! ඔච්චරයි! හදලා බලන්නකෝ එක පාරක්! මේවාගේ පෙනුමත් එක්ක හොද සුවඳකුත් තියෙන හින්දා දැක්කහම කටට කෙළ උනනවා. ඒ වගේම රසයි!  

මෙ  පුවත තවත් කෙනෙක්ට බලන්න Share කරන්න