වට්ටක්කා කොත්තමල්ලි කොල කරිය සාදාගන්නා ආකාරය
අවශ්‍ය ද්‍රව්‍ය
වට්ටක්කා පොඩි ගෙඩියකින් 1/6 ප්‍රමාණයක්
හීනියට කපාගත් කැරට් අල 1/2
කපාගත් කොත්තමල්ලි කොළ පොඩි මිටි 2
කපාගත් අමු මිරිස් කරල් 2
කපාගත් ළුණු ගෙඩි 1/4
ලොකු කුරුඳු පොත්තක්
කරපිංචා ටිකක්
උළුහාල් ටිකක්
කහ කුඩු ,ගම්මිරිස් ,ලුණු රස පරිදි
අමු තුනපහ කුඩු මේස හැඳි 1
මිරිස් කුඩු තේ හැඳි 1 1/2
කපාගත් සුදුලුනු බිකි 2-3
රම්පෙ ලොකු කැබලි 2
මුලින්ම වට්ටක්කා වල පොත්ත ඉවත් කරලා කපාගන්න. ඉන්පසු එයට කොත්තමල්ලි කොළ සහ කැරට් හැර ඉතිරි සියල්ල දමා වතුර ටිකක් සමග වට්ටක්කා තම්බෙන්නට හරින්න.වට්ටක්කා 3/4 වගේ පදමට තම්බා ගන්න. වතුර තබා ඒ ගානට තැම්බුණු පසු කපාගත් කොත්තමල්ලි කොළ, කැරට් එකතු කරලා පොල් කිරි තමන්ගේ රුචිකත්වය මත එකතු කර හොදි අවශ්‍ය පමණට තබා ලුනු රස බලා ලිපෙන් බා ගන්න.
Amila & Hashi
තව කෙනෙකුට කියවන්න Share කරන්න
