බෝග වගාව සඳහා රසායනික පළිබෝධනාශක වෙනුවට,
ශාක සාර විකල්ප පළිබෝධ නාශක භාවිතා කර මිහිතලය සුරකිමු
1. ශාක යුෂ භාවිතය
පළිබෝධනාශක ගුණය සහිත විවිධ ශාක කොටස් පල් කර හෝ තම්බා, තලා හෝ වෙනත් ක්රමයකින් ගන්නා යුෂ, ශාක සාර පළිබෝධනාශක වේ. කොහොඹ, වල් හිඟුරු, මුරුංගා, කලවැල්, මඟුල් කරඳ, කැප්පිටියා, වල් සූරියකාන්ත, අරූද හා අරලිය වැනි ශාක කොටස් මේ සඳහා බහුලව යොදා ගැනේ.
සකස් කර ගන්නා ක්රම.
කොහොඹ සහ කරඳ ශාකවල ලපටි කොළ හෝ දළු දින 14 ක් ගොම දියරය සමඟ පල් කර යෙදීමෙන් බෝග වලට සිදුවන පණු හානි වලක්වා ගත හැක.
මුරුංගා කොළ හා පොතු පල් කර ඉසීමෙන් බෝග වලට ඇතිවන දිලීර රෝග වලක්වා ගත හැක.
කලවැල් පමණක් පල් කර එහි යුෂ බෝගවලට යෙදීමෙන් කෘමීන් පළවා හැරේ.
2. දුම්කොළ භාවිතය
දුම්කොළ නැටි, කඳ හෝ දුම්කොළ පල් කිරීමෙන් ලබා ගන්නා යුෂ කෘමිසතුන් පළවා හැරීමට සහ ගොළුබෙල්ලන් මර්දනයට යොදා ගැනේ.
දුම්කොළ, කුඩු තේ හැදි 04 ක් පමණ නටන උණු වතුර ලීටර් 01 කට එකතුකර, හොදින් කලවම්කර, එම ද්රාවණය, දෙගුණයකින් සැර බාලකර වගාවන්ට යෙදීමෙන් සියලු කෘමීන් මර්දනය වේ.
3. මිරිස් ද්රාවණය
වෛරස් රෝග, කුඩිත්තන්, කුහුඹුවන් සහ දළඹුවන්, වැනි සතුන් මර්ධනය සඳහා වියලි මිරිස් ග්රෑදම් 100 ක් හොදින් අඹරා ජලය ලීටර් 01 ක මිශ්රි කර හොඳින් පෙරා, එම ද්රාවණයේ සැර හතර ගුණයකින් බාලකර, බෝගවලට යෙදීම සුදුසුය. මෙම ද්රාවණයේ ක්රියාකාරීත්වය වැඩිකර ගැනීම සදහා රතුලූණු හෝ සුදු ලූණු බික් කිහිපයක් අඹරා මිශ්රෙ කරගත හැකිය.
4. කොච්චි ද්රාවණය
දිලීර රෝග පාලනය සඳහා කොච්චි ද්රාවණය භාවිතා කෙරේ. ඉදුණු කොච්චි ග්රෑ ම් 25 ක් හොඳින් අඹරා, එය වතුර ලීටර් 10 ක් සමඟ මිශ්ර කර පැය 24 ක් පල්වීමට හැර, දිලීර රෝග සහිත බෝගවලට ඉසිය යුතුය. දිනපතා කොච්චි ද්රාවණය යෙදීමෙන් වෛරස් රෝගවලට පවා එරෙහිව ක්රියාත්මක වේ.
5. සුදු ලුණු භාවිතය
සුදු ලුණු ග්රෑම් 100 ක් සහ සබන් ග්රෑම් 10 ක් සිහින්ව අඹරා, භුමිතෙල් මේස හැදි 2 ක් සහ වතුර ලීටර් ½ ක් එයට මිශ්ර කර පැය 24 ක් තබා, මිශ්රණය කොටස් එකකට ජලය 20 ක් වනසේ ජලය යොදා, කෘමි සතුන් සිටින බෝගවලට යෙදිය යුතුය.
සුදු ලුණු ග්රැම් 50 සිහින්ව අඹරා වතුර ලීටර් 01කට දියකර කෘමි සතුන් සිටින බෝගවලට ඉසීමෙන් කෘමි සතුන් මර්ධනය වේ.
6. කොහොඹ භාවිතය
කොහොඹ ලොව ඇති සාර්ථකම පලිබෝධ නාශකය වේ. මෙම ශාකය සියලු ආකාරයේ පළිබෝධ මර්ධනය සදහා යොදා ගැනේ. කොහොඹ කොළ, මල් හා පොතු මෙන්ම කොහොඹ ඇට බහුලව පලිබෝධ නාශක සැකසීම සදහා යොදා ගැනෙන අතර කොහොඹ ඇට වල පලිබෝධ නාශක ගුණය වැඩිය. පණු හා දළඹු වර්ගවලටත්, කුරුමිණි කීටයන්, පලගැටියන්, පත්ර විදින්නන්, පත්ර හා පැළ කීඩෑවන්, පරිනත වැඩිහිටි කුරුමිණියන් මර්ධනය සදහාත්, කොහොඹ සුවිශේෂී පලිබෝධ නාශකයකි. ගොවි බිමට මෙන්ම බිජ කල්තබා ගැනීම ආදී, ගොවි බිමෙන් බැහැරව සිදුවන පලිබෝධ හානිවලටත් කොහොඹ කොළ හා ඇට යොදා ගැනේ.
කොහොඹ නිස්සාරකය සාදා ගැනීම
හොදින් වේලන ලද කොහොඹ ඇට ග්රැම් 50ක් ගෙන එය පිටි වනතුරු සියුම්වට කොටා, වතුර ලීටර් 01 ක මිශ්ර කර, පැය 12ක් පමණ අදුරේ වසා තබා, හොදින් පෙරා කොහොඹ රොඩු ඉවත්කර සාදා ගන්නා ද්රාශවණයට සබන් හෝ ටීපෝල් ස්වල්පයක් මිශ්රකර, ඉසින යන්ත්රපයකින් හෝ වෙනත් ක්ර මයකින් පත්රරවල යටිපැත්තේ තැවරෙන සේ ඉසිය යුතුය. කොහොඹ නිස්සාරකය සවස් වරුවේ යෙදීමෙන් ඉතා හොඳ ප්රතිඵල ලැබේ. තද අව්ව ඇති වෙලාවට හෝ උදේ වරුවේ යෙදීම නුසුදුසුය.
විශේෂ අවධානයට
කොහොඹවල ඇති කෘමිනාශක ගුණය හිරු රශ්මියට විනාශ වේ. එමෙන්ම සවස් වරුවක වගාවන්ට යෙදිය යුතුය. කොහොඹ දියරය පෙරා, ඉතිරිවූ කොහොඹ රොඩු පාත්තිවලට දැමිමෙන් පොළොවෙන් මතුවෙන වේයන් ආදී කෘමින් මර්දනය වේ. බෝගවල මල් පිපෙන අවදියේ බෝගවල මුල බිත්තර දමන අවුලකපෝරා වැනි සතුන් පවා කොහොඹ රොඩු පස හා මිශ්රල කිරීමෙන් මර්දනය වේ. විශේෂයෙන් පතෝල, වැටකොළු, කරවිල වැනි ගොඩ බෝග සදහාත් වී වගාවේ පුරුක් පණු හානිය සදහාත් කොහොඹ නිර්දේශිතය. එබැවින් පාරිසරික ගොවිතැනේදී කොහොඹ මිශ්රනය භාවිතා කිරීම අනිවාර්ය වේ.
ශාක සාර නොවන විකල්ප පළිබෝධ නාශක
1.බෝඩෝ මිශ්රණය
පල්මානික්කම් (කොපර්සල්ෆේට්) ග්රෑම් 28 ක් හා අළු හුණු ග්රෑ ම් 28ක් ගෙන, ඊට වතුර ලීටර් 2 බැගින් යොදා වෙන වෙනම දියකර (මේ සඳහා ලෝහ භාජන භාවිතා කිරීම නුසුදුසුය.) මද වෙලාවකට පසුව අළුහුණු දියරයත්, පල්මානික්කම් දියරයත් හොදින් මිශ්රකර, ඊට තවත් වතුර ලීටර් 3ක් පමණ යොදා, හොදින් පෙරා එම ද්රාවණය හැකි ඉක්මණින් බෝගවලට ඉසීම කළ යුතුය. මෙය දිලිර රෝග මර්දනය සදහා භාවිතා කෙරේ.
2.දුම් ඇල්ලීම
තද උණුසුමක් පැළෑටි වලට නොවදින සේ බදුනකට අමු ශාක කොටස් ගෙන, ගින්දර ස්වල්පයක් එකතුකර දුම් ඇල්ලීම සිදුකෙරේ. (මදුරුතලා, කොහොඹ මෙ සඳහා විශේෂයි). දිනකට වතාවක් දුම් ඇල්ලීමෙන් විශාල සංඛ්යාවක් කෘමින් මර්දනය කරගත හැකිය. ගොම, දුම්කොළ, කැප්පෙටියා, ගෙන්දගම් යනාදියද, සාම්භ්රරානි වැනි ද්රවයද දුම් ඇල්ලීම සදහා යොදා ගැනේ.
3. අළු භාවිතය
කෘමි සතුන් පාලනයට මෙන්ම දිලිර රෝග සදහාද සුදුසුය. භාවිතයට ගනුලබන්නේ දැව අළු වර්ග පමණි (පොල් ගසට සම්බන්ධ කිසිම කොටසක අළු, බෝග වගාවන්හි කෘමීන් පාලනය සඳහා සුදුසු නොවේ).’වීර’ ශාකයේ දැව අළු භාවිතා කල හැකිනම් වඩාත් සුදුසුය. අළු ස්වල්ප ප්ර මාණයක් කෙළින්ම පත්ර’ වලට වැටෙන සේ ඉසීම කළ යුතුය. එසේම විවිධ ද්රාවණයන් සමග මිශ්ර කර යොදා ගැනීමට ද පුළුවන. කොළ ගෝවා වැනි බෝගවල, දළඹුවන් හා කුඩා පණුවන් මර්දනයට වියළි අළු, පත්ර මතුපිටට ඉසිය යුතුය.
4. සබන් දියර භාවිතය
සබන් දියර මයිටාවන්ගේ හානිය (මිරිස් ආදියෙහි කොළ හැකිලීම) මර්දනය කිරීම සදහා වඩාත් සුදුසුය. සාන්ද්ර සබන් වතුර කෝප්ප ¼ ක්, භූමිතෙල් මේස හැදි ¼ ක් සහ වතුර ලීටර් 1කට මිශ්ර. කර යෙදීමට පුළුවන.
සබන් දියරය කෘමීන් පලවා හැරීම සදහා වැඩියෙන් යොදා ගැනේ. දළඹුවන් මර්දනය කිරීම සදහා, ලුණු, මිරිස් සහ සුදු ළූණු සමව ගෙන සබන් දියරය යොදා පල්කර බෝගවලට ඉසිය යුතුය. නිතර නිතර බෝගවලට සබන් දියර යෙදීම නුසුදුසුය.
5. කහ කුඩු සමග ගව මුත්ර භාවිතය
කහ කුඩු, ගව මුත්රග සමග 1:2 අනුපාතයට මිශ්ර කර දළඹුවන් මර්දනය කිරීම සදහා යොදා ගැනේ. ගව මුත්ර ගෙන දින 14 ක් පමණ හිරු එළියට විවෘතව තබා පල් වීමට හැර, සැර බාලකර, බෝගවලට යෙදිය යුතුය. මෙම ද්රාමවණය සතියකට 6 වතාවක් පමණ යෙදීමෙන් සාර්ථක ප්රතිපල ලැබේ. මේ හැරුණුකොට ගව මුත්ර පමණක් බෝතලයකට දමා එහි කට උඩට සිටින සේ පොළොව යට සතියක් පමණ වළලා තබා, සැර බාල කර වගාවට යෙදිය හැකිය. මෙම ද්රාවණය මාස හයක් පමණ කල් තබා ගැනීමට පුළුවන. පැළ මැක්කන්ට, දළඹුවන්ට, මයිටාවන්ට මෙන්ම දිලීර හා වෛරස්, රෝග සඳහාද මෙය භාවිතා කළ හැකිය.
මෙම පුවත තවත් කෙනෙක්ට බලන්න Share කරන්න
